خشم الحبيبة .... شعر بس فدشي خنفشاري

السلام عليكم احبائي اعضائنا الاعزاء
اليوم جايبلكم قصيده بس شنو تخبل لان متروسه غزل والغزل من نوع ثاني يعني اكو واحد يتغزل بالعيون والاخر بالشعر بس اني راح اتغزل بالخشم وعلى كوله قيس من كال الى ليلى...



قال قيس في مدح خشم حبيبته ليلى

خشمج يا بعد جلاي شو جنة كبة



خل تعتقد بيه الناس السنة و الشيعة و الصبة .



خشمج جبل حمرين شكد كلف ملكاه



اربع فرق بي ونص المعسكر تاه



خشمج بيه زروف اثنين بكد الانفاق



فتحوا مدارس بيه والباقي اسواق



خشمج بنص تموز اكبر خشم فاز



سووا نصب بيه والشعلة من غاز



خشمج يابعد الروح شو جنه رمان



بس تتزحلك عليه توصل لعمان


خشمج جبل سنجار منترس طسات



لوري انكلب بيه وسايقه مات

فنكم تعرفون ليش الخشم كله بالاحمر
انتظر ردودكم وتعليقاتكم
تحياتي حيدر القريشي

شنو السالفة عمي حيدر اشو اليوم ذابهة على الخشم

اني اعرف ليش الخشم بالون الاحمر

لان من تضرب واحد بوكس يطلع دم احمر

وتحياتي الك وين انت موجود

والله ماأدري ليش الكلمة بالأحمر

هســه تريد ردنه عله الخشم ليش أحمر لو على القصيدة الخنفشارية عله كولتك

وضحلنه ياحيدر

عيني وروحي وكلبي انتوا اريد الرد على القصيده اول شي

وبعدين عالخشم

وشكرا على مروركم

الصــراحة القصيدة فكاهية حيل والله يعين الي عدهه هالخشم و وصفتهه بيه

أكيد طيحت سوكهه وقضيت على مستقبلهه

وأما الجزء الثاني فما عندي رد لأني ماأدري ليش (المعنى بقلب الشاعر)

لا بالعكس ترى اكو هواي عالم تقيس على الاخلاق يعني الشكل مو المقياس الاساسي

والبنيه تمشي سوكها بأخلاقها العاليه ....

شكرا على مروركي الرائع وعلى المداخله الجميله

والجواب انه اخويه اسد العراقي وصل لنص الجواب

والنص الثاني عليج

تقبلي مني خالص الود والتقدير

يعني من كثر قبح خشمها ضربوها بوكس وصار احمر ؟

لو لا

صحيح المهم الأخلاق العالية

بس هم بعد الجمال وحسن الشكل له دور

والله جميل يحب الجمال -- عدل لو لا ... ؟

والله عمي كلامج على عيني وعلى راسي بس سؤال زغيرون ؟؟؟

يعني اذا وحده حلوه تخبل كامل مواصفات بس (عذرا) ذره اخلاق ما عدها

تقارنيها بوحده نص جمال واخلاقها حلوه ؟؟؟

اذن الاخلاق اهم من الجمال .....مو لو مو مو ؟؟؟؟

شكرا على ردودكي المتنوعه والرائعه
والنابعه عن فكر حضاري متثف ونامي بشكل ممتاز

تقبلي مني خالص الود والتقدير