قصيدة للشاعر صباح الهلالي أترككم معها التي فازت بلقب أجمل قصيدة

هسه شبينة ليش ؟ وشختلف بالناس ؟ ... إذا يلتفت ضيفك ينوكل نصه

اهلنا البيت واحد شو صفوا ضدين؟ ... ملة تلوم ملة و بالكلب غصة

اركض اخوك بظهرة حط سجين .. لا غيرك يذبحة تفوتك الفرصة!

طم هور الجبايش و انفي كردستان ... و بكلب الرمادي خنجرك رصة

اختلفنا احنة بعلي و بعمر و بعثمان ... و لو يدري محمد بينا ما وصة

المحتل اطلعة بس حط ايديك وياي ... يا محتل طلع بالهوسة و الخبصة؟

آنة شردت منك غير ننسى الراح؟ ... و طرفك ع الزعل بيناتنا تغضة

انفطمنة على البنادق و انت تعرف زين ... الشُة بلا نفع لو زعلت الفرضة

آنة و ياك سيف و نذبح الجلاد ... و اذا تعجز ايدينة بلوزتة نعضة

جا شنهي عليمن ليش مختلفين؟؟ ... انا شنهو القبلتة و انت الترفضة؟

انا غركان يمك آني اخو عثمان ... اللي بجسر الائمة ما صفن لحظة

شاف الايد وحدة و ناس ضكها الماي ... و على كد الجفوف التتشظى

أنا دجلة الخير الما نست عطشان ... و اخوي انت الفرات و ترضى ما ترضى

عاشت ايدك لنقل هذه القصيده الرائعه


تحياتي

عاشت ايدك على النقل ياصاحب اجمل اس سكسا واكمل انت الباقي

الله الله الله مشكور والله كلش روعة يارب فرجها على العراق ياررررررررررررررررررب شكرا

عاشت ايدك وتسلم00على هلنقل الرائع 00قصيده تنبذ كل طائفي مجنون0000
الصكر

قصيده جدا جميله وشكرا على النقل

أنا دجلة الخير الما نست عطشان ... و اخوي انت الفرات و ترضى ما ترضى

قصيدة روعة مشكور اخي على نقل القصيدة

اي والله جاليش شنهو القبلته انه وانت الترفضه مؤثره بمعنى الكلمه