قصيده بعنوان صوت الدمع

السلام عليكم
اني عضوه جديده في منتدى الفرات واقدملكم صوت الدمع هديه الكم



صوت الدمع
أريد أبجي واسمعك صوت الدموع
وخل يحجي الدمع ويسولف أشماله

تدري شكد معاني تشيل العيون
بس يوكع دمع تتوضح الحاله

وأضن صوت الدمع بيه وحده من أثنين
لو فاكد عزيز ويذكر أطلاله

ولو مزنه فرح وتخيل أنت الصار
يعني أثنين هنه العين هماله

أنه بعيني حزن والفرح ماموجود
دورته شكثر ولكيته رحاله

وخل يحجي الدمع خل نفتهم شيكول
مو هي السوالف حيل جتاله

عشرين العراق اصبحت بس تذكار
والمكوار ظل يتنخه بالفاله

ناس تكول شعلانك عراق بظلمة النسيان
نام بحسرته وماهمته أعياله

لأن شاف الوطن منهوب من كل صوب
ونباكت ثمرته وظلت أسلاله

وعنكود العنب ظل عل الغصن مجروح
ينشد عل السلال وياهو حماله

وبستان العمر بيه اشكثر ألوان
بس لون الورد معروفه اشكاله

بس ندري الوكت ليل ومتاع بعيد
ومزنه صيف مرت بينه حياله

خذت منه الفرح وأمسى الحزن مهيوب
باجر بس نعيد نكطع أغلاله

وناس شكد حجت كالت عليه أنباع
موطنه وصبح للأجنبي جماله

أصرخ وبعلاة الصوت ماينباع
عراق حسين هذا وبيه خياله

روووووووووووووووووووووووووعه احسنتي كلام ينبع من قلم احتارت في وصفه الاقلام

:66 (46): ماجمل الكلمات في نظمك وما اكثر الياس عندك فتفالوا بخير تجدوه اتمنى لك التوفيق في كتاباتك الجميلة بعيدا عن الياس انشاء اللة0:66 (46):

الله على الأبداع
أرق تحية من القلب الى القلب

مشكورررررررررررة عيني

موضوع جميل

تحياتي

لكل من مر وترك كلماته في صفحتي
أنحني أمام هذه الردود
أجلالاً وأحتراماً
لكم مني كل المنى
تحياتي ومودتي
نور البدر

شكرا حبيبتي نوره على الكلمات الاكثر من روعه

مشكوووووووووووووووووووووره على هذه الكلمات الروعه

تقبلي تحياتي