تعودت من زغري اشوفك يا وطن
تعودت من زغري اشوفك يا وطن
سرف دبابات واهات وحزن
تعودت كلما شفت عالشجره طير
توقعت باجر يكطعون الغصن
تعودت صوت البنادق والرصاص
والشباب تموت وبحسرة دفن
تعودت سموني مختار الحروب
لان كل حروبهم بيه صفن
تعودت اسمع بناطق عسكري
يصيح هبو اتفرهدت كاع الوطن
واني من اسمع بناطق عسكري
تروح روحي وينتزع منهه البدن
رغم هذه التمو اخواني الزغار
واني وياهم ركضنه عللوطن
لنه جاري يصيح ها وين الشباب
كتله هبينه علصوت المؤتمن
ضحك ضحكه بخاطره وكال انتظر
انته سامع قصة الشاطر حسن؟
كال لا تنين تلكه عللجبل
لا ولا تحظه بجميلة هالزمن
عمي روح البيتك اكعد واستريح
من زمان الباشه مبيوع الوطن
مشاركة: تعودت من زغري اشوفك يا وطن
حبيبي بعون الله ماينباع الوطن واهلة موجودين تحياتى الك
كلمن يكول انساك صدكني جذاب ****** حبك جرح بلروح ينزف ولا طاب
وهيهات ينباع العراق
مشاركة: تعودت من زغري اشوفك يا وطن
الله احبك يا وطني
و متيم بيك
تقبل تحياتي اخي و مشكور و بارك الله بيك
اخوك سيرانو
مشاركة: تعودت من زغري اشوفك يا وطن
تحياتى الك ياوررردة
اسمك عراق هزني من الاعماق
كتبت بدمي اسمك على الاوراق
كلي حرقة ونار واشتياق
لنلتقي في اجمل عناق
نعلم الحب كيف يكون للعشاق
اه.....لو تدري كم في قلبي من اشواق
لسماع اسمك الغالي ياعراق
مشاركة: تعودت من زغري اشوفك يا وطن
اشكرك على هذا الكلام الجميل
وتقبل مروري
كرار الرسام
مشاركة: تعودت من زغري اشوفك يا وطن
حبيبي الغالي ابو حسين الورد
مشكور على هاي الكلمات الروعه
والشعور الجميله
تحياتي الك حبيبي
مشاركة: تعودت من زغري اشوفك يا وطن
منورررر يغالى بحبك للوطن
عله مصابي الزمان يصيح ... حل حل
واسمك يا علي للريك ... حل حل
بضريحك شفت للشدات ... حل حل
لأنك يا علي حامي الحميه
