قصيدة_طف العراق)...ماجد العتابي

طف العراق)

عجب تسال عليه شلون مجنون
وانه العاقل وحبك جنناني
احبك من زغر او قبل ما كون
لان انته العراق وانته اني
ــــــــــــــــــــــــــــــــــــــــــــــــــ ــــــــ
عراق بعالم الذر ثم بالاصلاب
هرشك عالفخر والطيب غذاني
تكونت الجنين وزرع صرت وياك
وفطام (2)عام اتعده حسباني
دكّ عمري اعله جف السبعه وتلاثين
واحس شوكك مهد لليوم هزاني
يحسين العصر والناصبين هواي
شمر جارك يبوكك حرمله يتاني
متوقعين توكع كي يحزو الراس
ودمّّوع اخوه اعله يوسف موقف الآني
ياوالي العرب بعض العرب باعوك
لان عرفوك قمه وغيرك الداني
موكل العرب؟؟ بيهم زهير وجون
وما انكر دول لابن الامه تخاني
العقيله اتنخت وكضت خدرها اسلاح
بغداد العفيفه اتصيح خواني
رضّع بالمخيم كومو طفو النار
اهنا صاير حطبها اوجوه رضعاني
اني ام الخدر و(17) عطشان
الفرات محاصر وسد دجله سجاني
ما كولن ضعف وادري الجروح هواي
ومكرم ضعف مايذكر لساني
هدهم ياوطن وازئر بعالي الصوت
ما زال اعله ارضك امر رباني
خلي الناس تسمع منطقك يا حيد
وشك اذن الغدر سمعهم آذاني
نهض عابس بدمه ايريد الك بنيان
وحبيب الحشم اهله ايصيح بنياني
عباس انتخه ومزك اهدوم الغيض
الصحابه برايتك تهتف عراقي اني
حسيت اعله غدرك وسوس الشيطان
اكطعت راسي بقناعه وراس شيطاني
شامخ يا وطن كل ولدك العباس
وعراق حسين صاير اسمك الثاني
وعراق حسين صاير اسمك الثاني

موفق اخي الشاعر ماجد العتابي على قصيدك

روعة يا أخ ماجد

قصيدة صادقة ومعبره


ننتظر جديدك

تسلم اخي الكريم على هذه القصيده الرائعه
مشكور ..وجزاك الله خير

اقتباس:

---

المشاركة الأصلية كتبت بواسطة حسين الكندي

موفق اخي الشاعر ماجد العتابي على قصيدك

---

الله يوفقك اخي وشكرا لمرورك اللطيف

اقتباس:

---

المشاركة الأصلية كتبت بواسطة جراح

روعة يا أخ ماجد


قصيدة صادقة ومعبره


ننتظر جديدك

---

شكرا لردك اللطيف اخي جراح

اقتباس:

---

المشاركة الأصلية كتبت بواسطة قرة العين

تسلم اخي الكريم على هذه القصيده الرائعه
مشكور ..وجزاك الله خير

---

الله يسلمك اختي الفاضله وشكرا لمرورك

السلام عليكم بارك الله فيك اخي على

تقبلو تحياتي
محمود الكبيسي