عرض للطباعة
مرحبا عيني شلونكم انشاء الله مرتاحين موضوعي كلش سهل
واتمنى يعجبكم
لمن تهدي ومن القلب بيت ابوذيه او دارمي او زهيري للحبيب للحبيبه للوالدة للوالد لاي شخص حتى وان كان خارج المنتدى
تحياتي الكم
اختكم / فاتن وهيب
واول مشاركة ابديها وهي اهداء لجميع اعضاء منتدانا الحبيب واكول
يظل حبكم ترى بكلبي علي دين
وعهد للموت ما انساكم علي دين
ولولا البعد لمشي لكم على ايدين
تفداكم الروح ياغالين علية
:66 (6)::66 (6)::66 (6)::66 (6)::66 (6):
http://img1.imagehousing.com/1/e6dd7...dce9122afa.gif
حسافه الوكت من يمي بعدكم
ولا واحد ترس عيني بعدكم
رضيت الموت وما ارضه بعدكم
لان بالروح حبكم مو بيديه
تحياتي وسلامي
وحق اللي تعبده الناس000 وحده
حبك سلب مني الروح 000 وحده
هذني اثنين ونته اختار000 وحده
ترحل لوتظل محبوب اليه
ااااااالله عليج فتونه موضوع حلو واكيد راح اشارك بيه
تحياتي ياغالية
قسم بالخمسه والسبعه والايات
مثل حبك فلايحصــل ولا يات
نشدت ودورت عنــك ولايات
فلا طحت ابقرارك يانويه
بقلمي
تحياتي الغاليه رائع جداًماتنتقينه دائماً
تقبلي مداخلتي لكِ تقديري
مشكور يارحال يامبدع وهديتي الك يارحال
الهوا لو جاك من الحلو شمه
ويعطرالورد من الورد شمه
خذيت من عنده شمه شلون شمه
لحد الان باقي العطر بيه
ومشكور مره ثانية واتمنى من الجميع المشاركة
مع حبي ومودتي
يمن مني خذاج البين لا زال
خيالج حارس الممشاي لازل
تزول الروح يمه هواج لا زال
وتضل غصة عله فكدج للمنيه
بقلمي
جيت انشد ليالي هواج عتاب
واغني بونة من الروح عتاب
يصيح الكلب ويه غناي عتاب
احبنج واظل حد المنيه
مشكور يابروكان على المشاركة الرائعة