زهيري للشاعر الكبير ابو محمد البهادلي بعنوان ( دغش )

ياصاح كّـل للوكت زغلط دزور دغش

ولعيوب غيرك دغط دستر يصاحب دغش

خل حجيك ابيض كطن لا تخلي ابد بيه دغش

والماله جلمه ابد ماعده غيره وعرض

والرجل ما ينحسب مقياس طول وعرض

غم اليتاجر حجي والجلمه طلب وعرض

خل جلمتك جا العهد لمن تكض شاربك

وكيض الله خلصه بعطش كون الاخو شاربك

ظل انت حظ وبخت ما تندحك شاربك

ولو خوك حدر الشمس صير انت في وذرة

وجرح المكابر صبر فوك المعاند ذرة

عرنوص ذب الشلب سنبل حصاد الذرة

لو حيه صار الوكت صير انت له دفله

ولو خوك يومن برد وجروحك دفله

لايغشك الكاولي لمن خشب دفله

بالك تمس الجلب لو يوم جلبٍ مسك

بالموزمات الرجل لعنان غيضه مسك

شعواط لو ثعولو ظل انت فايح مسك

وخليه غميج الخلك جن خلك بحر القزم

وتدري الجبل ما شكه من دغدغنه القزم

الطول مو بالعلو تلكاهه طويل وقزم

ويصح كصير القزم بس جالجبل هامته

والدنيه لو مكبله ابدن ولا هامته

حيلن اصيل النزر ما تنخمد هامته

لا تعتمد عالنذل بس درت ظهرك نكت

من حيث لنه برخص لجتاف غيره نكت

عد روحه مرد ما يدري مكور نكت

لاتظن يوم النذل من تجفي ظهرك حمه

بس يوكدله لون تنور غيضك حمه

لا هو ابو المرجله لا هو اخو لا حمه

من حيث لن النذل ما تنبني عشره له

بالملكه عده وجه بس لصدك عشره له

بالطيب ماله سهم لا خمس لا عشره له

بس بالمخازي حصص تلكاله والله سهم

ما ساهم بغانمه بس بالرديه سهــم

لو صرت دركه انته اله تلكاه بظهرك سهم

من حيث لن النذل ما ينطلعله ظهر

لا تجفي وتامنه ضنتك يكضلك ظهر

رس النذاله عرك ممتد لسابع ظهر

والرجل صورة شرف جرجبه حظ وبخت

جلماته ماي وبرد النار المّوزه بخت

لا غره مال باخو ولا خوه باطل بخت

كسلان صار الوكت بدروسه كلهن سكط

حط كوره ويه الشهم ويعلي شان السكط

مايدري ساسه رمل بس لاحه ماي وسكط

وهمان جنح الشمس صوب الشمس من عله

ما طايرن من فرح بس طايرن من عله

لابد ويوم ويكع ويظل دهر من عله

زيزايه كصت النذل ما بيه كطرة حيه

وماتت هروش الخجل ماهرش بيهن حيه

تلكاهه ذيب الكلب والجلد ملمس حيه


غم الرجل يلبس حدر الملابس يلكـ

وبكل جحف جا الجلب بلسان غدره يلكـ

عالغيبه شابح جفن يالكـ عيونه يلكـ

لا تظن يوم النذل شارب الغيرة يرف

لاعده جف ينتخي لشكوك وكتك يرف

خل جود جفك بحر ماحده شاطي يرف

حنظن يدس النذل لــو غمستله سكر

يكيف على طيحتك يضحك لحد ما سكر

وأمن ضمير انجرح من كاس خمرن سكر

غم صاحب العاشرك وبصحبته عالدغش


مما راق لي كثيرا

تحياتي

وراق لنا كثيرا يا غالي
شكرا لك وللشاعر الكبير ابو محمد البهادلي
قصيدة رائعة ونظم فريد
تحيتي وتقديري

اااااااالله ااااالله عليك اخويه العزيز على هذا النقل الرائع
زهيري ررووعه يعطيك العافيه
تسلم ويسلم شاعرنا الكبير ابو محمد البهادلي تحياتي الكـ ياغالي

عاشت ايدك ياراقي تحياتي لك وتقبل مني اجمل باقة من زهور الياسمين العطرة مع كل الود

ذوق وروعه
لك وللاخ ابومحمد
البهادلي بيارق الياسمين
تحياتي لسموك

اقتباس:

---

المشاركة الأصلية كتبت بواسطة foraten.net/?foraten.net/?foraten.net/?foraten.net/? السالم

وراق لنا كثيرا يا غالي
شكرا لك وللشاعر الكبير ابو محمد البهادلي
قصيدة رائعة ونظم فريد
تحيتي وتقديري

---

جزيل الشكر والتقدير الك اخي الحبيب foraten.net/?foraten.net/?foraten.net/?foraten.net/? السالم
على مرورك العطر
تحياتي الك يالغالي

اقتباس:

---

المشاركة الأصلية كتبت بواسطة كبريــاء رجـل

اااااااالله ااااالله عليك اخويه العزيز على هذا النقل الرائع
زهيري ررووعه يعطيك العافيه
تسلم ويسلم شاعرنا الكبير ابو محمد البهادلي تحياتي الكـ ياغالي

---

الاخ العزيز كبرياء رجل شكرا جزيلا لمرورك العطر
تحياتي الك عزيزي

الله عليك اخي الزير السالم
نقل مميز ورائع
عاشت الايادي
لك تقديري واحترامي