علمتك سوالف ما تمر ع البال

علمتك سوالف مـــــا تمر عالبال
ودليتك دروب وﭽـنـــــت مـا تـندل

لـﮕـيتك بالطرف مـا تنحسب خيــال
وﭽـنت ويه المشوا بالطرف تتحنجل

اعلمك عالشرف شـو تنـﮕـلب حيال
وبحضــن الرذيله ﮔـمــــــــت تتفتل

ﮔـتلك كيل ويـــــــــاي بفـــرد مكيال
وسرارك العـــــــدي ترسن المحمل

الهم كلشي تطي وحـﭽـي ما ينكال
بــس توصل اليمي وصحت ما اقبل

وســـامح بلكي يــــــوم تغير الحال
ضـل عــــودك عـــوج ماقبل يتعدل

يخايب ادري تالي تصير الي كتال
ومحضر الحبال وبيــــــدك المنجل

ادري ما اشوفن بعــــد راحت بال
صرت انت الدليل وانــــه ما اندل

علمتك سوالف مـــــا تمر عالبال
ودليتك دروب وﭽـنـــــت مـا تـندل

لشاعرنا الغالي
الشيخ ابوحيدر الشويلي

اااااااااالله عليك اخويه العزيز ايليا على الانتقاء عاشت ايدك ويسلم شاعرنا ابو حيدر
يعطيك العافيه عزيزي ويسلمو ياغالي تحياتي الكـ

شكرآ صديقي الغالي ع مرورك المميز
اسعدني حضورك الرائع
تحياتي لك

ايليا الرائع
الذواق شكراً لختيارك
والعرفا كل العرفان
للامانه الادبيه
كنت وسيماً
وذواقاً ايها المهاجر في قلوب
محبيك تحياتي لسموك

حلوى حلوى يا اخي ايليا ممنونة جدا

الله عليك اخ ايليا
صح لسانك وصح لسان شاعرنا ابو حيدر
ذقك عال ومميز بالاختيار
سلمت يمينك
دمت لمن تحب
تحياتي

الله عليك اخي ايليا انتقاء مميز
تحيه لروحك وللأخ الشاعر ابو حيدر
لك ارقى التحايا

اقتباس:

---

المشاركة الأصلية كتبت بواسطة الشيخ ابوحيدر

ايليا الرائع

الذواق شكراً لختيارك
والعرفا كل العرفان
للامانه الادبيه
كنت وسيماً
وذواقاً ايها المهاجر في قلوب

محبيك تحياتي لسموك

---

شيخنا الغالي
الروعه والوسامه في قلمك
سرني مرورك المميز في متصفحي
تحياتي لك وتقديري