حجي الحلويـــــن...من ديواني يا وردي الشفايف.

( حچي الحلويـــن )
****************

تحن لسوالفك روحي..
وتحسبك شوگ ملتف اعله خصر الباب
متوسد چفوف الحيل .. ويمر عالجروح عتاب
يا سعف النخل ..
يالتعباك الريـــــح ..
سولف عن عطش تموز وحـچيلي اعله چوية آب
وشكيلي الجروح اتطيب من تصرخ ..
ولك جرح العمر لو ما صرخ ماطاب
بعده زغير گلبي ..وما عرفته شحاب
أحن ويورد الزيتون..
وتحمل جفوف التين..
ومتانين..ومتانين
ماتطلع شمس لو ما حچي الحلوين
ولو ما ضحكة الحلوين ..چا حتى الگمر هم غاب
چا حتى الشمع....رخص دمعته وذاب
امرخص كلشي لعيونك..لأن حبيت
مرني جروح گلبي هواي كلهن فدوه لو مريت
ولك حتى العمر خلصان..
ودموع العتب يفلان ترسن كل ثنيه وبيت
يروحي التعباها الشوگ...بيها شگد خذت وطيت
أذوبآ..من يمر اسمك واگول يعود
يا رخص الظنون الكبرن..بروحي ندم ووعود
صفصاف العمر ذبلان صار سنيــن..والعينك يطگ اورود
أهيم وأطرب الحچيك..واريدن يكثر اعتابك بالعتابك كمان وعود
وخاف من البنفسج ذابله خدوده..ويريد خدود
يابستان..
بزنودك الترفه يبين الشريان
ونت شفايفك چكليت وصياغ الحنچ مرجان
يالصدرك شراع الخوف ..هادل من الرمان
والرمان حاير حاصره الفسستان..چا شگ زيج صدرك كون عده السان.

مع كل الحب..عدي فريد..
نشرت في ديواني(ياوردي الشفايف)
القيتها في برنامج(الشعر والناس)من قناة السومرية
القيتها في برنامج (سلطنة)من قناة العراقية
وسأحاول نشر المقطع عن قريب..

تحن لسوالفك روحي..
وتحسبك شوگ ملتف اعله خصر الباب
متوسد چفوف الحيل .. ويمر عالجروح عتاب
يا سعف النخل ..
يالتعباك الريـــــح ..
سولف عن عطش تموز وحـچيلي اعله چوية آب
وشكيلي الجروح اتطيب من تصرخ ..
ولك جرح العمر لو ما صرخ ماطاب
بعده زغير گلبي ..وما عرفته شحاب
أحن ويورد الزيتون..
وتحمل جفوف التين..
ومتانين..ومتانين

غزيزي الرائع ابداع مميز لك ودي واحترامي
يالغالي

ماتطلع شمس لو ما حچي الحلوين
ولو ما ضحكة الحلوين ..چا حتى الگمر هم غاب
چا حتى الشمع....رخص دمعته وذاب
امرخص كلشي لعيونك..لأن حبيت
مرني جروح گلبي هواي كلهن فدوه لو مريت
ولك حتى العمر خلصان..
ودموع العتب يفلان ترسن كل ثنيه وبيت
يروحي التعباها الشوگ...بيها شگد خذت وطيت
أذوبآ..من يمر اسمك واگول يعود
يا رخص الظنون الكبرن..بروحي ندم ووعود
صفصاف العمر ذبلان صار سنيــن..والعينك يطگ اورود
.......................

وهل هناك اروع مما قرأت ؟؟
عدي فريد.. رائع دائما وابدا
شكرا لهذه الروائع والدرر
لاتحرمنا المزيد اخي
لروحك جبال الورد

الأخ الغالي عدي فريد وانت حقا فريد بموهبتك المميزه
قصيدةاكثر من رائعه
حملت اجمل معان الغزل والصور الشعريه الرقيقه
فلامست قلوبنا وابهجته
لك ارق التحايا واعذبها

شكرا لك هدار ولمرورك..يا غالي........

شكرا لك هدار ولمرورك..يا غالي........

شكرا ام علاوي ...
يا رائعة يا طيبه ورد

لك كل الحب ايها السومري الجميل........
عرفت انك ستمر من هنا...يا غالي...