فيروز الفرات........زهير العقابي
بعد بشفافي طعم التين
بعد بشفافي بوساتك
وبعدهي الروح مجروحه
من غارات نظراتك
وبعدهي اجروحي تتناكز
لو سرحت بضحكاتك
وبعد بعيوني احلى ارسوم
وبعدهي باذني جلماتك
وبعدني اطرب على الغنوات
بعدني اركص بغنواتك
وبعد مياده حناوي تلاعبني
وتمر بيه على روجاتك
انا انا انا بعشقك.....
يلرمشك حمامه بجنح تتغاوه
يشبه الميل تتفاخر بخطواتك
يزيتونة سلام تبرد المحربين
يابطله وبرد مفعول كلماتك
ياجرغد شريفه وفخر للحلوات
ياطركاعة الله شتحجي صفناتك
ياخد الورد تدريني اخاف اعليك
وخاف النسمه لاتجرح بوجناتك
يابيرغ عشيره وبالعراضه يدور
يالمعطل المنايا بغنج ميلاتك
يا ماي الورد ينطش على الزوار
وانت الورد كله يبوس حضراتك
يا تسعة اشهور او بالبراءه تدور
يالمدواي الجرح بضماد لعباتك
يا فيروز من تصبح على العشاك
يالمركص الصبايا بنكل خطواتك
شايف البحر شو كبير كبر البحر بحبك.....
بعد كل الحجيته شرد اوصف بيك
يغفى الكون كله ويسمع انفاسك
يذوب الشعر كله ويختلف كل بيت
ابوذية وقوافي عاشكه اجناسك
ياعذب الفرات وجنة الفردوس
يا فرحة الغبشه التشبه احساسك
يا اية حفظ ياعيون جنها الكون
يا خناس عاشك دفو وسواسك
ياعطر الحديقه الغافي بين متون
ويا ورد البنفسج ريحة انفاسك
رد: فيروز الفرات........زهير العقابي
حبيبي الغالي
كلمات في غايه الروعه
كروعه صاحبها
اتمنى لك التوفيق الدائم
ربي يحفظك
تحياتي
رد: فيروز الفرات........زهير العقابي
مازلت مميز
كل عام وانت بالف خير
بميلاد بقيه الله في ارضه عج
عزيزي
اعطيني رائيك,,,,,,,,,,,,,, احد اليافعين من اخواني كتب هذه الكلمات وطلب راءيي
بالحقيقه صدمني لانه من النوع الخجول والساكت دائما
يابرد الحدايق ويا صباح الخير
يابوسه ندى بخدود كل مشتل
يمعزل الماءتم انته لو مريت
وابو الماءتم من اعبرت هلهل
يالوجهك صبح
والزلف نص الليل
اشلون الصبح مر الليل ماكمل
ونضراتك عرش ورموشك الحراس
وما رايد حياته البيك يتغزل
وعيونك مسافه وحقنه بيها نتيه
وجفونك دول وبدول وين اندل
ابنص فركه اسنونك خلي روحي تعيش
واخذه بهل المسافه وياك من ترحل
ولك يا مدري شنهي وخدك ولايات
وشفافك محطه ورياله معسل
والركبه سوالف وطشت على الناس
المخبل عقل والعاقل تخبل
ويل البصدرك تنوجد لبدات
وكل جهه بصدرك بيها شايل تل
يالطولك قيامه وخصرك النارين
كل شبكه عله خصرك جلدي يتبدل
والمشيه احتفال وتركصله الكاع
وبهزه اديك اكلوب تتدندل
طركاعه اللفتني شكد الك حبيت
هذا ما وصلني من رسالته على الموبايل
انتضر جوابك
رد: فيروز الفرات........زهير العقابي
زهير الغالي
لقد اعجبني ماقرأت لك
فشكرا لهذا النزف الجميل
تحيااااااااااااااااااااااااااااااااتي
رد: فيروز الفرات........زهير العقابي
رد: فيروز الفرات........زهير العقابي
ياجرغد شريفه وفخر للحلوات
ياطركاعة الله شتحجي صفناتك
ياخد الورد تدريني اخاف اعليك
وخاف النسمه لاتجرح بوجناتك
يابيرغ عشيره وبالعراضه يدور
يالمعطل المنايا بغنج ميلاتك
اربكتني كلماتك
ولاادري ماذا أ ُبقي وماذا استقطع منها
ريحان تناثر
ام عذب سلسبيل جاري
فكل عبارة أجمل من الأخرى واقوى في المعنى والتعبير
مبدع يبو محمد
ماننحرم هذه الروعة وجميل هذه المعاني ودفء الاحساس
سلمت يداك عزيزي
ولك اطيب وارق التحايا
رد: فيروز الفرات........زهير العقابي
كتلك رايي بالتليفون ^_*
روعة والله روعة
تحياتي الى كل حرف من كل قصيدة تكتبها ابو محمد
رد: فيروز الفرات........زهير العقابي
[quote=الامير العراقي;910094]حبيبي الغالي
كلمات في غايه الروعه
كروعه صاحبها
اتمنى لك التوفيق الدائم
ربي يحفظك
تحياتي
الامير العراقي
الرائع دائما
هو كرم اخلاقكم
سررت بهذا المرور
تمنياتي لك بالخير والسلامه
