ابيع جاي..وجكاير....ولا اصير شاعر
قررت الغي القصائد واشتغل بياع جاي
سهله اشوف الشغله كلش بيها غاز وبيها ماي
والي احتاجه خبرتي وعون جيراني ا وياي
لان ادري الغاز عدنا ومايي من جيراني جاي
ولو كطع هالماي عني اخسر بشغلتي هواي
واذا ما رهمت الشغله راح اغير شغلتي
واكتفي ابيع الجكاير وبيها اختم لوعتي
وما اظن احتاج نار نار تلهب ديرتي
اوكف بباب الدوائر وهناك اضرب ضربتي
وتبده ارباحي اتكاثر والتجاره لعبتي
بس اذا تفجير صار وين الكاها الجكاير
اجساد بلتفجير تلهب والسلم منعدها طاير
اشلون اشيلنها ياربي ويمها راس الطفل صاير
وليش ابن الفكر يوكع والسلم ابن الاكابر
لان بلخضراء كاعد وهذا بالايجار حاير
والله حيره شلون ربي اوين راح الكالي شغله
والتعب كصص حلمنا وعمل بينا اشلون عمله
الجوع هدني ومارحمني ومن الحجي ما بقت جمله
بس بقت الله كريم والعيون من الدموع اهواي همله
ياصديقي جيب ايدك حطها بيدي وخل نثور ابقوى حمله
خل نصيح الله واكبر وكافي يااهل السياسه مو تعبنا
جنا نحلم ناكل بكرصة خبز وما سلم حتى حلمنا
جنا نطرب لوسمعنا الناي يعزف وانذبح بينا طربنا
جنه بالافراح نركص وهسه بس بفراحنه يحلى لطمنا
لان فرحتنا اذا تفجير صار واحنه من عنده سلمنا
ودجله جفت والترسها من الثكالى اغلى دموع
دمعة الباست ابنها وتنتظر لوليدها اليوم الرجوع
ساعه والتفجير صار وكامت ادك عالضلوع
اليوم ميلادك ييمه انه وختك حضرينالك شموع
عمت عيني انت ما متغدي يمه وادري بسرعه تجوع
جنت ناوي الغي القصائد بس شفت هذي القصه
طفل حالم جان يحلم يستلم دراجه ابورقة الحصه
حلمه راح وطارت ايده والشظى تارس الكصه
جنت ناوي الغي القصايد وما حظيت بهيج فرصه
رد: ابيع جاي..وجكاير....ولا اصير شاعر
الاداره الكريمه...اعرف والله اني تعبتكم
لكن ما اعرف سبب المشاركه تنشر بكلمات صغيره
اكيد الخلل مني ..ارجوا المساعده حتى ترجع الكلمات الى شكلها الصحيح
لكم مني كل الاحترام والتقدير
اتمنى لكم الخير والسلامه
رد: ابيع جاي..وجكاير....ولا اصير شاعر
اقتباس:
المشاركة الأصلية كتبت بواسطة زهير العقابي
الاداره الكريمه...اعرف والله اني تعبتكم
لكن ما اعرف سبب المشاركه تنشر بكلمات صغيره
اكيد الخلل مني ..ارجوا المساعده حتى ترجع الكلمات الى شكلها الصحيح
لكم مني كل الاحترام والتقدير
اتمنى لكم الخير والسلامه
الاداره الكريمه...
اكرر طلبي وللمره الثانيه لانكم غمرتوني بحبكم الوافر فأنني اناشدكم بمساعدتي
الكتابه المنشوره بحجم صغير
ولايمكن للمار قرائتها
كلكم ذوق..ارجوا تكبير الحجم
وفقكم االله
رد: ابيع جاي..وجكاير....ولا اصير شاعر
اقتباس:
المشاركة الأصلية كتبت بواسطة زهير العقابي
الاداره الكريمه...
اكرر طلبي وللمره الثانيه لانكم غمرتوني بحبكم الوافر فأنني اناشدكم بمساعدتي
الكتابه المنشوره بحجم صغير
ولايمكن للمار قرائتها
كلكم ذوق..ارجوا تكبير الحجم
وفقكم االله
الاداره الكريمه...
النداء الثالث
لكم التقدير
ان لم يكن بلامكان تغير حجم القصيده ارجوا موافقتكم على حذفها
لكم الشكر والتقدير
رد: ابيع جاي..وجكاير....ولا اصير شاعر
الاداره الكريمه..ادارة منتديات الفرات
الاخوه المراقبين والمشرفين
اني عاجز عن شكركم
وفقكم الله
نمنياتي للجميع بالخير والسلامه
رد: ابيع جاي..وجكاير....ولا اصير شاعر
أخي زهير العقابي
اسطر و كلمات بسيطية
وبقدر ما فيها من بساطة
حمّلت بألم البسطاء
ذاك الألم الموجع فعلا
استطعت بسلاسة ودون تكلف
أن تنقل لنا مشهد سينمائي بسيط
عما تشاهده هناك
جعلتنا نشاهد معك و نتألم معك
شكرا لك و تقبل كل المحبة و الأحترام
من أخوك الشرابي
رد: ابيع جاي..وجكاير....ولا اصير شاعر
عزيزي واخي خليل الشرابي
سرني وجودك على متصفحي
انت دائما سباق لدعم الكلمه
انت الرائع
وفقك الله
اتمنى لك الخير والسلامه
رد: ابيع جاي..وجكاير....ولا اصير شاعر
اتمنى لك التوفيق
ومن ابداع الى ابداع
صوره جديده ترسمها لنا
وتسير بنا الى عالمك السحري
وهذا البيت وقفة عنده وقفة احترام
لانه فعلا..ومن الواقع الذي كنت فيه انا شاهد عيان
وليش ابن الفكر يوكع والسلم ابن الاكابر
لان بلخضراء كاعد وهذا بالايجار حاير
