ماردت احبك حــــــاولت

من اروع قصائد الشاعر المبدع ايهاب المالكي

ماردت احبك حــــــاولت
من لفظة اسمك حاذرت

جلمه وشلتهه من الحجي
من اللسان اخفيــــــــتهه

و بيبان روحي مقــــفله
وعن لا احب سديتـــــهه

صلفه امنــــياتي الرادتك
سئلتني عنك بس صمت ؟؟
كلـــــــــــش ولاحاجيتهه

كالتلي وينه ؟؟وجــاوبت
مادري مادليتـــــــــــــهه

ماردت احس حبـــك لان
كبلك الروح انطيــــــتهه

ولخاطرك رحت اعــــتذر
منيت بيهه لخاطـــــــرك

مثل الطفل ..لمن يمن بحاجته
وياك اعزناسي انتهه ...
وماكمت احس بعازته

أبدربي كلت لو مو سوه ..
امشي حياة بلادرب

يمكن يشح عني الهوه ؟

لابس جذب...

معقولة مانمشي سوه ؟؟

معقولة في لحظة الشمس
للكاع ماتتنطي ضوه ؟؟؟

وتنتهي ومانلكه صبح ؟

معقوله يطلعلي جرح ؟؟؟
معقوله ؟؟
ريشة شفتك ؟؟
ترسملي بالضحكة رمح ؟؟

لا ...موصدك

خلينا من هذا الحجي...

بجفوني سولة عللبجي

وصياد كاعد بالجفن للدمع شايل فالته

وياي احسك جن صرت مثل الهلال وهالته

كالولك يعوفك تره ؟؟
تذكر كبل ؟؟
كتلي شكلهم ؟؟

كتلك أي.....كلهم لمن من يمي تمشي جنازته

هو انه عايشلك لان ؟
دمي الاعز مابالجسد بس انته تعرف حالته

من مايحس بلمستك
يخلص وتبقى وشالته

(تذكر جنت)
من تعتنيلي بلهفتك مشتاك حتى تشوفني ؟؟

وتلكاني روح مشككه ولمسات اديك تروفني

**تتركني هسه قررت **؟
ينطيك كلبك ننتهي وبس بالاحلام تشوفني

تتركني هيج بلاذنب ؟

بررلي حتى لوجذب
مليت كلي كمت امل

شيحمله ليلي بوحدتي

ماينحمل عدك تره
وجذبت كتلك ينحمل

كتلك لمن تمشي تره تتركني وحدي جن طفل
تايه ..
وكل اهله مشو ..
عايش ايتاني الماأجو...

كلشي اليمر يفززه ...
حتى الشماته اتفززه..

من يمشي ويهب الهوه
يلتفت حسباله حجو

لكن لمن يتذكرك
حتى الشماته ..
المابجو..
من شافو دموعه بجو
هيج آنه من عني رحت

ماتسكت جروحي ولودورتك انه بشدتي
شفتك وطن حنيت الك

لكن لكيتك غربتي
احتاريت منهن ياهي اصح
مابين ذلي وعزتي

(اختاريت اعوفك حتى لا
تكسر قرار دمعتي)
او ونيت سكته ماردت
يشمتون بونتي

صح اضحك بنبرة فرح
بس ركز بصوتي بعد

تسمع نحيب بضحكتي

هم مثلي كلبك مانسه
وهم بعد من تمشي درب
تذكرني خطواتك بعد ؟
تترك فراغ لخطوتي ؟

لاتسكت ال لا بينت
بين اثرهه بعبرتي

ولاتلتفتلي بس ردت
انطيك اخر مابقى وهوشبقى ؟

مني خذت كلش وبقت
دمعات ليك بذمتي

شكرا لك عزيزتي
ولجميل اختيارك
قصيدة جدا جميلة مفردة ومعاني
دمت بهذا التألق
ولاحرمنا ابداعك

مودتي

اقتباس:

---

المشاركة الأصلية كتبت بواسطة ام فيصل

شكرا لك عزيزتي
ولجميل اختيارك
قصيدة جدا جميلة مفردة ومعاني
دمت بهذا التألق
ولاحرمنا ابداعك

مودتي

---

تحياتي لك ولمرورك الجميل وماتركت من كلام عطر في موضوعي

كلمات رائعة وجميلة يا احلاهن بطة
قصيدة امتكلت فيها روح العاطفة
شكرا لك على طرحك المميز
لكن كلماتك كانت صغيرة جدا في
الكتابة يحبذى لو تكبريها
تحياتي وتقديري لك

الله الله قصيده
جميله ومن روائع الشاعر المبدع ايهاب المالكي
تحياتي الك بطوطة

اقتباس:

---

المشاركة الأصلية كتبت بواسطة المهندس علي

كلمات رائعة وجميلة يا احلاهن بطة
قصيدة امتكلت فيها روح العاطفة
شكرا لك على طرحك المميز
لكن كلماتك كانت صغيرة جدا في
الكتابة يحبذى لو تكبريها
تحياتي وتقديري لك

---

شكرا لمرورك العطر وكلامك النابع عن ذوقك الراقي وانا قمت بالتعديل انتة تأمرني شكرا للملاحظة تقبل مني كل التقدير والاحترام

اقتباس:

---

المشاركة الأصلية كتبت بواسطة ملهمة الشعراء

الله الله قصيده
جميله ومن روائع الشاعر المبدع ايهاب المالكي
تحياتي الك بطوطة

---

انرتي الموضوع بكلامك الراقي تقبلي مني كل الحب وخالص مودتي

تسلملي
على القصيدة ويسلم ايهاب المالكي