علي والقرآن.....الى عراقيه وجميع الاعضاء

باري الكون لمن يخلق الاشياء
واحد كلشي ويصوغه بتمامه
الاّ الدين عنده صار بثنين
بالهادي ابتده وحيدر ختامه
ومن صاغ البطوله الباري مخصوص
من سوه علي سواله خيبر
ولان القرآن حيدر وحيدر القرآن
يعني أعله النبي من نزل حيدر
وباري الكون لمن خلق هالخوف
خله الخوف بس من حيدر يخاف
ماهاب السيوف بكل أبه ونام
بفراش الرسول الموت من طاف
ولان ثكل الرساله ماتشيله جبال
أكوه من الجبل سواهه ألجتاف
ولان الموت طبعه يخطف أرواح
خلق حيدر علي للموت خطاف
نعم كلشي أليخلقه الباري بحساب
ألميزان القوى الكرار خلاه
الرحمه والعدل والصبر والجود
وخله الغيره كلهه تلوذ بحماه
بلاغه والشجاعه وعلم وأيمان
أذن بكلشي أليخلقه الباري ساواه
نعم لجل أليحبه خلق جنات
أذن النار حتما للي عاداه
ومن صاغ الغدير العيد للناس
بيه وازن الباري فرح عيدين
بيه حجة وداع وخاتمة دين
وبيه رفعت جفوف تأيد أبوحسين
وبيه طهر البيت أوازن الكون
ثقل ويه الكتاب أصبحن ثقلين
يعني الفرق غايب ويه الكتاب
أذن واحد يصيرن علي والدين
كدر كلشي ربك ألهم كدار
خلق حته الطفوف كدار لحسين





كل عام والجميع بألف خير



أخوكم.......توفيـــــــــــــــــــــــــــــق

اللهم صل على اشرف الخلق محم وعلى اله الطيبين الطاهرين
السلام عليك يا اسد الله الغالب
السلام عليك يا سيدي ويا مولاي يا امير المؤمنين
صح لسانك اخويه توفيق
ابيات في غايه الروعه
سلم لنا هذا القلم الذي ينبض بالابداع
يسعدني ان اكون اول المارين على ما خطتهُ اناملك
لك مني كل الود والتقدير
مع ارق التحايا

اللهم صل على اشرف الخلق محم وعلى اله الطيبين الطاهرين
السلام عليك يا اسد الله الغالب
السلام عليك يا سيدي ويا مولاي يا امير المؤمنين

اللهم صل على محمد خاتم النبيين وعلى علي حبل الله المتين
طيب الله أنفاسك شاعرنا المبدع أختيار أكثر من موفق لكلمات الروعة هي أقل ما توصف به
أحسنت وجعل الله أمير المؤنين شفيعك يوم الورود
لك تحياتي
وتقبل مروري المتواضع وشكري الجزيل

اللهم صل على محمد وال محمد

بيه حجة وداع وخاتمة دين
وبيه رفعت جفوف تأيد أبوحسين


كل عام وانتم بالف خير
بارك الله بيكم
احسنتم اخي الكريم
في رعاية الله

ولان ثكل الرساله ماتشيله جبال
أكوه من الجبل سواهه ألجتاف
ولان الموت طبعه يخطف أرواح
خلق حيدر علي للموت خطاف
نعم كلشي أليخلقه الباري بحساب
ألميزان القوى الكرار خلاه
الرحمه والعدل والصبر والجود
وخله الغيره كلهه تلوذ بحماه
بلاغه والشجاعه وعلم وأيمان
أذن بكلشي أليخلقه الباري ساواه




مرحبا بعودة الغائب الحاضر في القلوب
اولا اهنيك وكل الموالين بعيد الغدير الأغر
رزقنا الله وإياكم شفاعة ابا الحسنين يوم الورود

ليس بجديد علينا روعة مدادك ياتوفيق
كلمات توشحت بنور الولاية
ومعاني اكثر من رائعة
وهذه ديدنك ايها الرائع
تكتب بالإحساس اولا ثم بقوة المفردة وجمالها

لاحرمناك === منهلا لاينضب

ودمت بحفظ المولى

الاخ الغالي حيدر...اسعدني بل شرفني مرورك الوديع الرقيق الرهيف دمت لي ومن كان له هكذا احباب واجب عليه الابداع حتى في الردود...شكرا

توفيــــــــــــــــق

شهد الغرام....تحية
شكرا لمرورك الكريم وياربي لايكون الاخير....ممنون

توفيق