دفتر ضياع...
اكتب اسمي بصفحه من دفتر ضياع...
واعرب حروفي فعل ماضي وخلص!!!
انه عندي العشره گلش ماتهون؟؟
ومن طرت وياي طيرت القفص....
هي فرصه المايسبگلها تفوت..
وماهوبالهين ترد نفس الفرص!!!!
تگلي جفك مايهد وكت النزال!!!
شلون وانه العمر عالمامش رخص؟؟؟
جنت افكر للعمر واحسب واخاف...
هسه ميت مايهمني شما نگص!!!
شكد قصص تعبانه مرت عالخيال...
ومن رعبهن گمت اخاف امن القصص!!!
تدري بيه قماش بايد من زمان...
جا انته شدعوه اعله كيفك بالمگص؟؟!!
دورت عالمستحه وگالولي مات؟؟؟
على حفور المگبره توزع حصص!!
عالگصص لاتعتب اعتب عالرجال؟؟
الصوج بالاخلاق مو صوج الگصص!!!!
الصوج بالاخلاق مو صوج الگصص
قصيده للشاعر المبدع ميثاق الهلالي واتمنى ان تعجبكم
تحياتي لكم
