صبرا يا وطن
يعراق الكرم يا منبع الإبطال
يا بيت المضايف والشرف والدين
يا صاحب حضارة بابل وعشتا ر
وي سومر وأكد بغداد لا تبچين
نعم مگوار ضاري المضرب الامثال
اسأل الإنكليزي بثوره العشرين
اسأل كل عدو قبل الصديق أرجوك
وتبان الحقيقة مو شمس شمسين
نعم شعلان گأم وثأر بيه بليل
يضل اسمك علم والله وحق ياسين
وضارينه البطل هز لندن أبفاله
صرع لجمن أبدمه وخضباه بالطين
ومشايخنا فخر يذكرهم التاريخ
حيف أعله الزمان الصعدك يأبين
لا تنغر يا شعبي والزمن دولاب
لابد ينگلب مهما تطول أسنين
صبرا يا وطن لابد شمس تظهر
ونلم الصور ساعته وبيومين
ويبزغ نجم لامع بالسمة يعراق
ويقود البلد من نسل جدنه حسين
بس چأن الشعب يعبد بشر ينشاف
وهسه ألمشكله نعبد صنم من طين
لا شفته بصلاة لا جمعه لا رمضان
مو حتى النبي رامي أبدر وحنين
ما ينسى الشعب أيام چنه أنگول
شي لم ها لصور مقدار مد العين
وبلمح البصر چفت تره بغداد
وما ضلت صور گله اختفت يا زين
أيام الظلم لابد تره تنزاح
ويرد يرجع وطنه ألناسه الطيبين
ويرد يرجع وطنه ألناسه الطيبين
كتبت هذه القصيدة بقلم مميز ومبدع بقلم شاعرنا الاخ
سلام الدراجي
أرق تحياتي وأطيب أمنياتي
