ياروحي وسعي الصدر و الباب خلكج فضي
وماعون صبرج طفح للناس كهه فضي
وهمان من لامني مايدري لنه فضي
من حيث من لامني مايدري ضيم العلي
رادوني انزل لجن ضليت كلش علي
كالو علي رافضي جي كلت احبن علي
وما طول احبن علي خليني الف رافضي
فتك جرحي وانه الي رافض انه
ابي ويدريني للذل رافضي انه
لان حبيت حيدر رافضي انه
جا فكرك احبن اللي اميه
صواب الدهر صار وياي ملكه
واخذ مني العزيز وبعد ملكه
اريد انشد الشال النعش مالكه
رساله لو عتب بالنعش ليه
الى الزهراء عليهها السلام
مريم جدم زهوج لون فديوم مريم
نهر من الجحيل انكلب مريم
مريم تهز الجذع رطب ايطيح مريم
وتهز العرش كلمه من الزجيه
الى الامام علي عليه السلام
يامن يادر ياذهب ياقوت يامن
تحت كبتك كل مضلوم يامن
اليمن عليك كلي بيش يامن
وترابك شفه الكل البريه
بصمتك اثرهه على العرش واضح بصمتك
وسمع الكون طورشته بصمتك
شلت الصبر مترهي بصم تك
لو صمين جا شلت البريه
ماتمسك خسر كلمن بحيدر ماتمسك
ايتضعضع ذل كيانه ماتمسك
انه اتحده جهنم ماتمسك
اذا حيدر يوقع بالهويه
وفر صك الروحك كبل ماتهلك وفر صك
بي وقع علي منجه وفر صك
سعير النار من جاهه وفرصك
جهنم من محبته ثلج بيهه
والفقارهعلي ربعه اليتامه والفقاره
والف كون اليعادل والفقاره
الفخر لجفوف حيدي والفقاره
فرك خشم الكفر واهل الرديه
منزل عليت بجاه حيدر وابد منزل
ولنه بحبه على راك العرش منزل
نفوت على السراط بجدم منزل
نطيح وحيدر يصير التجيه
الى الامام الحسين
بربعينه نكعنه من دمعنه و بربعينه
على الي بكصته جنه و بربعينه
اذا زاره محمد بربعينه
ويه المشاي اجت تمشي الزجيه
والنه جابه الحسين النه سفينه والنجابه
ويضل حد الشهامه والنجابه
شكثر الله يحبنه والنه جابه
محامي يصير النه بكل قضيه
مراده مصابك للكلب اذه مراده
المحب لابد الك يرجع مراده
اليخدمك لابد يحصل مراده
احلى مراد من ابن الزجيه
:66 (46):
:66 (46): للشاعر الحسيني الشهيد:66 (46):
:66 (46):(عد محمد الحسن):66 (46):
