هبط دولار حبنا وخربط السوڴ
وتنزيلات ڴمنا أشواڴنا نبيع
سمنا أرخيص مثل أسعار اليبوڴ
ولاڇنا تعبنا وبيدنا يضيع
تنزيلات صحنا وهم بقه الشوڴ
وبقت ڇلمات حلوه ويالمواجيع
أهو غالي الرخيص شلون أله يلوڴ ؟
هم سعر الكرب ينباع طليع؟؟
تطشر راس مالي دماة مطڴوڴ
والدم اليطيح يفيده تجميع ؟
شفت الويل منه واطلڴ طلوڴ
وأشوف أعلى الخساره الوادم تهيع
الخساره تهون بس شيسد الحلوڴ
أتجرع حڇي الشمات تجريع
هم تنفع أنذور وعڴدة أعلوڴ
وهم يفيد موته صريخ توديع
شما أروف الهدم يبقه أسمه مشڴوڴ
وللمشڴوڴ ماينفع الترڴيع ...........
عباس الفرطوسي
