كتلني الشادعصابه هوازي
قريت احروف البگصته هوازي
سالته منين گال انه هوازي
سالته السكن گال الناصريه
اشكثر خوان راحت ...... ماردتلي
انشلع كلبي وجبدتي .... ماردتلي
غير الخير انته ....... ماردتلي
شح الخير من فركاك الية
غيابك خلخل اعضامي .. وهدهن
واجر حسرات ببعادك .. وهدهن
آلي دمعات لو ابجي .. وهدهن
تفيض اليابسة ونغرك سويه
العشك موعيب بي رخصة وذن بي
وذنب الكلب موذنبج وذنبي
الكلب بي عين بي شفة وذن بي
شافج واستمعلج صاح هيه
اهلك من حلات البيك ميتين
وطعم شفتك يبعد الروح مي تين
اليشوفك سكرة يصعد ميتين
ويصعد من يبوسك تسعمية
