يـا أمـير الـمـؤمــنـيـن اشـلـون بينه اشلون بينه يا ولينه !!!

سـيدي مـا عدنه غيرك تـدري بينه ... تدري بينه فرگـتك تصعـب علينه
يـا أمـير الـمـؤمــنـيـن اشـلـون بينه ؟
اشلون بينه خـلاف عــينك يا ولينه
***
يا بسمه مرسومه فوگ شفايف أيتامه ... دار الزمن باليتيم وعكست ايامه
من حگه بالسيف لو يلطم على الهامه
ارحمنـه يا بويه ما نصبر على فگدك ... عگبك تـغـربـنـه لا طال العـمر بـعـدك
وين نرحل سيدي لو ما تجينه ؟
ما تجينه شلون يارحمة نبينه !
***
ارحــم مــدامـعـنـه يـا گمرة لـيـالـينه ... يـا بــويه مـهلك دخــيلك لا تـخـلــّــيـنه
عــدوانــك بـغـيـبـتـك تـشـمت تظل بينه
فگدك أشد غربه والغربه شكثر صعبه ... طرّت جدار الگـلب وي حايط الكـعـبـه !
كل محب ظل قلبه ذايب في حنينه
في حنينه يـا بـعـد روحـه الحزينه
***
بويه وداعــك صـعـب شــيــّـد مــآتـمـنـه ... خـلانـه حــتّــى الأجـــل يـا بـويـه نـتـمنه
عــگــبــك تــبــددنــه ما تخبـرني شيلمنه
گـبلـك يـبـويـه الأجـل نــتــمـنـه وافـــانه ... وتــْـراب لـحـــدك بـِدَالـــك ريتــه وارانه
غالي مـا نـگـدر نفگـدك مو بدينه
مـو بـديـنـه غـيـبـتـك لتظنها هينه
***
يا أغله مـن روحـي يـا سـاكن شــراييني ... ما يسوه شي عمري دونك يا ضوه عيني
تـگـصـر عـسـه بغـيـبـتك ما تطول سنيني
خل يجري دمعي ويطفــّي شوفي بمصابك ... يصعب أشوف اليتامه بويه بـغـيـابك
اليتيم بغيبتـــك دم تجري عينه
تجري عينه من ينشفها بيمينه
***
يا ساكن احساسي يا من يصعب افراگه ... كون العمر هذا يخلص بلكـــي نــتــلاگـه
لانـحـب عـليك وأحـن مـا حـنت الـنـاگــه
يــوم الــقـيـامـه أجـــيـــلك يا أعـز ناسي ... تــنشف دمـــع محنتي وتمسح على راسي
يا علي مصابك وحگك ما نسينه
ما نــســينه حـال ولدك يا وصينه
***

منقوول

اللهم صل على محمد وآل محمد وعجل فرجهم
والصلاة والسلام على المرتضى علي عليه السلام
قصيدة جدا رائعة
لاحرمنا هذا العطاء
مع تحياتي وودي

وين نرحل سيدي لو ما تجينه ؟
ما تجينه شلون يارحمة نبينه !


اللهم ربي يجعلها بميزان اعمالك اختي

غاليتي ام فيصل منوره بمرورك الرائع ربي لايحرمني منك

واخوي الطيب سعيده بمرورك الكريم
ووفقكم الباري
تحياتي لكم

السلام عليك يا اسد الله الغالب
السلام عليك يا سيدي ويا مولاي يا امير المؤمنين
بوركت اناملك اخت احلام على هذه القصيده المباركه
رزقنا الله واياكم زيارة مولانا في الدنيا وشفاعته يوم الورود
تحياتي وتقديري لكِ

تسلملي اخوي الطيب حيدر لمرورك الكريم
ربي يحفظك
تحياتي اليك

قصائد كتير حلوة عاشت ايدك

تسلمين لمرورك غاليتي رحمه الله والديك
تحياتي

اختي الفاضلة بارك اللة فيك على هذة القصيدة الرائعة
ولكونها قصيدة منبرية
حياك اللة
السلطاني