تهت عني

تهـــت عني

يل حبك جمر وآنه الحملته اسنين
شلته وعلكلب آنه الكلت خله
وعليك اتسترت حته اعله كلبي وياك
وانته اعله اليحبك تنطرالزله
ونه ادريبك لغزبس كلت احلك يوم
أنحل عمري كله وماشفت حله
انته انطيتني من العمر لحظه وياك
بس لمن خذت خذت العمر كله
تهت عني ورحت بس كلشي راح اوياك
اوتيهت العنب وانباكت السله
اوماميز كمت بالضدي والوياي
شبجت كلهه عندي الصعبه والسهله
أضم سري اعله غيرك وانته سري شبيك
ياهو الوهدنك ولغيرك اتكله
حرس من حته روحك آنه جنت اوياك
اوحرس كالولي انته ولاكلت ظله
وحجو كالوهه ذله وآنه اكلهم لا
وآنه ادريهه ذله وماكلت ذله
أشد جف اليضدك جي اخاف اعليك
تحط جفك ابجفه وبيدك اتحله
وسل عمري الك لجفوفك انته مراد
وعليّ لمن اجيتك سيفك اتسله
واتلاوه ويجرحي وعينك انته اتشوف
وتمر مر الكرام وعلجرح تضحك
مارايد ضمادك فوك جرحي ايصير
فوك الجرح ردتك ماردت ملحك
اورمحك عاليضدني ايصير مثل الريش
وآنه لهلوكت ينــزف اثر رمحك
أوصبحك جنت انطره ايشك ظلام الليل
طلع ليل اعله ليلي اوماطلع صبحك
وجرحك مانشف من رحت عني ابعيد
نشف ماي البحر بس مانشف جرحك
**********************

للشاعر الكبير أسعد مجيــــد ألزركاني

تحياتيييييييييييييي

مهدات الى ؟؟؟؟؟؟؟؟

انته انطيتني من العمر لحظه وياك
بس لمن خذت خذت العمر كله
تهت عني ورحت بس كلشي راح اوياك
اوتيهت العنب وانباكت السله
اي والله صح جزنه من العتب ونريد سلتنه
قصيده عتب رائعه اختيارمميز ورائع من ذوق عالي
طبعا الكتابه كانت ما تنشاف الا بالمجهر الكتروني وكبرت الكتابه
دمت بخير وان شاء الله المعني يفهم الرساله
بوركتي ودام لنا نبض قلمك الرائع

تهت عني ورحت بس كلشي راح اوياك


ما اعذبها من معاني

نقل رائع عزيزتي

تحيتي لك

يسعدني ردك اخ سلام وشكرا لان معرفت اكبرهة


وشكرا لكي اخت ماري يسعدني ردك


تحياتي

رنـــــــــــــــــــــــــــا
رمضان كريم....احسنت الاختيار كلمات رقيقة
وعذبة...ممنون



توفيــــــــــــق

اسمحي لى ان احييكي على اختياركي ومشاعركي الرقيقة
التي طالما ابهرتنا بكل كلمة وبكل رحلة تأخذينا بها الى عالمك
وأقدم اعجابي بهذه الكلمات
واكتفي بعبير كلماتك
دمتي مبدعة متألقة بيننا دائماً
ودي واحترامي لكي

__________________

قصيدة كلش حلوة عاشت ايدج على النقل

قصيدة رووووووووعة تسلمين اخت رنا ويسلم قلمكِ

عندما نفتقد اغلى الناس عندما تتركنا ارواحنا
تعيش جسد بلا روح عندما كان لك طريق في الحياة شيء تسعى وتجتهد للوصول الية
شيء تعطي له نفسك روحك
شكرا لكي على هذا النقل الرائع واتمنى لكي السعاده
مع تحيات الجنابي

شكرا لكل فراتي مر من هنا وتحياتي لكم

يل حبك جمر وآنه الحملته اسنين
شلته وعلكلب آنه الكلت خله
وعليك اتسترت حته اعله كلبي وياك
وانته اعله اليحبك تنطرالزله
ونه ادريبك لغزبس كلت احلك يوم
أنحل عمري كله وماشفت حله
انته انطيتني من العمر لحظه وياك
بس لمن خذت خذت العمر كله
___________________________________________
جميل جدا ما فاضت به اناملك رناوي شكرا لك