يادنيا صبي الدمع .. مجبور يبجي الليل

يا دنيه صبي دمع مجبور يبجي الليل
بين الشمس والكمر صاير دربنه طويل
ما بين آه وسهر .... وما بين لوعه وقهر

ومابين هدة حيل

شمس الصبح تختفي وتسافر ويه الريل
جم دوب الكه الكمر صاير حلك ظامي
بيديه كطرة ندى وخايف على احلامي
ثاري العشك بس وهم وانكتل كدامي

باجر يجيني الصبح ... ويطيب بيه الجرح
شوما اجالي الصبح.. ولا فزز اوهامي
تعبان كلش صرت والدنيه حافر خيل

تطوي العمر بالركض لاتفتر ولا تميل
والعيله بينه طبع مامش زمان يعيل
احنه النضوي الشمع ... واحنه النصب الدمع

وانجوي بيه الضلع بس كون دمنه يسيل
ياليل بسك تون جم ونه كلبي يشيل
بين الشعر والالم اسمع غنه الياويل ..

يا ويل ..يا ويل ....... انه الياويل

واطرب على ونتي وادري اليون خسران
تميت ادور بخت .. ثاري البخت زعلان
ما بين كلمة جذب ومابين حس انسان

وآنه ادري قوس القزح ما ينطي بعد الوان
خلصان كل العشك رحت اشتري وخلصان
والناس باعت امس وانسدت البيبان

صوت البحر ماغفه والجرف ظل سهران
وامواجه هزة مهد.. والماي درة نهد
يلولي ويناغي الولد .. يبني اليحب تعبان .. تعبان .. تعبان

منقووووول

واطرب على ونتي وادري اليون خسران
تميت ادور بخت .. ثاري البخت زعلان
ما بين كلمة جذب ومابين حس انسان
.....................
الله الله عليك ام علاوي
شكرا" من كل قلبي لهذا النتقاء
كما لو انك تحاكين خلجات الفؤاد..وما بالبال من حسبات والام
نطقتي بما ارت البوح به هذا اليوم
لذا اكتفي اجلالا" لروعتك بالصمت..
((وفوك كل هذا تريد اتفاركينه))كم يوم
عودة ميمونه وانا هنا بانتظار جديدك يالغالية

الله يام علاوي مربعه رائعه واختيار مميز يدل على ذوقج الرائع واحساسك المرهف شكرا جزيلا وعوده ميمونه ان شاء الله بالسلامه

تسلملي طلتك الرائعه ياامير
فعلا طلتك هي طله الامراء
واتمنى من كل قلبي ان تزول الاحزان من قلبك ويعم مكانها الفرح والاطمئنان
تحياتي اخي الغالي الله ليحرمني من روعة طلتك
ام علاوي

اخي سلام الدراجي
يشرفني ان ارى بصمتك الدائمه بين سطوري
لاحرمني الله روعة مرورك عزيزي
كن بخير لنكون

يادنية صبي دمع
اللة ياعزيزتي ام علاوي على هذة المشاعر النبيلة الصادقة من رحم المعانات اتمنى لك التالق دائما وابدا

واطرب على ونتي وادري اليون خسران
تميت ادور بخت .. ثاري البخت زعلان
ما بين كلمة جذب ومابين حس انسان




صح لسان الي كال

وشكرا على النقل


تحياتي

كريم السلطاني اسعدني تواجدك بين سطوري المتواضعه
الف شكر عزيزي للحضور المميز
لاعدمتك
كن بخير ارجوك

رنا العراقيه .. نورتي موضوعي عزيزتي بمرورك المشرق
لاعدمت نور اشراقتك
لك كل الود