حلاوة الحليب بطريقة ام علاوي

السلام عليكم ورحمة الله وبركاته
شلونكم يافراتيين انشالله الكل مرتاح

طبعا اني اسوي حلاوة الحليب ويمكن راح اخذ عليها جائزه دوليه شكد ماطيبه ههههههههههههههههههههههههههههههههه
يابه اتشاقه بس مثل متعرفون الطبخ نفس والحمدلله والشكر طبخي لابأس بيه ماأريد امدحه
اليوم حبيت تجربون حلاوتي وتكولولي رأيكم طبعا تجربونه بالطبخ مو بالاكل ههههههه
ولو يصير اطبخها واجيبها للمنتدى مجان قصرت ومن عيوني تدللون يله لنطول بالحجي

المقادير
كلاص حليب باودر
نص كلاص طحين صفر
شيره (كلاصين شكر +3 كلاصات مي ) تخلطهن ونغليهن عالنار يعني شيره عاديه وتبرد
ملعقة كوب هيل مطحون
لب جوز مفروم
نص كلاص زيت


طريقة العمل

1-نخلط الطحين والحليب معا في كاسه
2- نضع القدر على النار ومعه الزيت وننتظر الى ان يحمي الزيت قليلا
3- نضع الحليب والطحين في القدر ونقلب ( نحمس) الحليب والطحين الى ان يصبح لونه قهوائي بس موطوخ كولش لازم يكون لونه مثل لون الاخشاب
4- بعدها نصب فوقه الشيره ببطء شديد مع التقليب المستمر الى ان ينتهي مقدار الشيره كله
5-بعدها نخلطه بسرعه ونضيف له الهيل المطحون
6- ثم نطفيء النار ونصبه في صحون الحلاوه
وننتظر الى ان يبرد قليلا (دافيء) ثم نرش فوقه الجوز المفروم

وبألف صحه وهنا
اكلوها وادعولي :66 (45):
مع تحيات الشيف ام علاوي:66 (72):

مشكورة حبيبتي على هاي الوصفة الرائعة بس ليش كل هل غرور وصارلج ساعة تمدحين بنفسج هههههههههه وهسة أقلها الماما تسويها لأن اكيد الأكلة طيبة لأنها من وصفات أم علاوي المبدعة تحياتي لكي يا الغالية تقبلي مروري المتواضع مع تحياتي وتقديري

http://islamroses.com/zeenah_images/...0072ea9d3f.gif

مبينه طيبه حيل هههههههههه شكرا لكي ام علاوي على هذه الحلاوه

مشكور ام علاوي على الطريقه
وان شاء الله معزومين يمج مو صح
واذا معزومين بلغي المشرفين كلهم

مشكورة عزيزتي
طبق مميز وشهي
شكرا لك والله لايحرمنا حلاوتج بالمنتدى وبالمطبخ


رمضان مبارك عليكم

حبيبتي الورده الجوريه اكيد الوالده رح تسويها اطيب مما اني اسويها
لان اني متأكده نفسها حلو بالطبخ
تسلملي هالطله
قبلاتي

شكرا للمرور الكريم اخي طائر
لاعدمتك
تحياتي

تسلملي هالطله ملك الرومانسيه
ولو يصير جان سويتها وجبتها للمنتدى بس ميصير
وتدللون من عيوني
تحياتي

تسلمين ام علاوي عاشت ايدك
والله ونريد بعد حلاوة الحنطه من ايدك
تحياتي

تسلملي هالطله حلومه
حلاوه الحنطه مسامعه بيها
ههههههههههههههه
هاي مال ريجيم لو شنو ؟؟؟؟؟؟؟؟
قبلاتي حبيبتي

مشكوره ام علاوي الورده صدك الحلاوه مالتج توووب والله وعاشت ايدج اني استخدم نفس المقادير بس اسويها بالدهن الحر و ازينها بالفستق الحلبي وتطلع كلش طيبه

الف عافيه عيوني عيوده
واكيد الطبخ نفس وكل انسان ونفسه بالمطبخ
وانتي مبين عليج شاطره بالطبخ ونفسج حلوه
تسلملي هالطله
تحياتي

رحم الله والديج ام علاوي هاي صالي قرن ادور علوصفة ومحد ميعرفها لحد ما ايست

شكرااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااا

تصدقين عاد ام علاوي
من شفت الوصفه بالسرعه قمت وسويتها
وبالآخر طلعت هالطبخه أمي على طول تسويها
وأني ما أحبها
وأحنا بالبحرين نسميها ( عصيده )
وحتى بدون حليب تستوي
لكن مشكورة على الوصفه

وردة بغداد الف عافيه عيوني
وانشالله تجربيها وتطلع حلوه مثلج
بس اريد الدعاء لا اكثر
قبلاتي لوردة بغداد

رتاج ههههههههه ضحكتيني والله
بس ليش متحبيها اكو واحد ميحب حلاوة الحليب؟
اصلا هنا بالعراق يحبوها الزغار والكبار
لكن اهم شي نورتيني بمرورج عزيزتي
تحياتي

اكله طيبه ومن نفس طيبه شطصير يعني

اكيد راح ناكل صوابعنه وراها :)

عاشت ايدك ام علاوي الطيبه

وبارك الله بيك

الحر .. يسلملي هالمرور الرائع
والف شكر للاطراء الاروع
لاتحرمني الطله عزيزي
نورتني
تحياتي

عاااشت الاياادي ام علاوي امبين نفسج طيبه واكلج طيب

والله البارحه قريت الموضوع وكلت اسويها يلا ارد

بس صارت كولش ثخينه بأيدي مااعرف ليش بس طيبه انوكلت ههههه

مشكوووره غاليتي ما قصرتي وانشالله رح ارجع اسويها الحد ما تظبط

مودتىى يالغلا

عاشت ايدك ام علاوي على الحلاوة الحلوة
واعتقد يسموها حلاوة جكليتية وانا احبها
كثير
تحياتي لك ام علاوي على هلحلاوة

اقتباس:

---

المشاركة الأصلية كتبت بواسطة محتاره

عاااشت الاياادي ام علاوي امبين نفسج طيبه واكلج طيب

والله البارحه قريت الموضوع وكلت اسويها يلا ارد

بس صارت كولش ثخينه بأيدي مااعرف ليش بس طيبه انوكلت ههههه

مشكوووره غاليتي ما قصرتي وانشالله رح ارجع اسويها الحد ما تظبط

مودتىى يالغلا

---

عزيزتي محتاره اذا الشيره مظبوطه متطلع ثخينه ابد واذا مستخدمه المقادير مظبوطه هم متطلع ثخينه
وبعدين من تصبين الشيره عليها لتخليها هوايه عالنار شويه ثواني وطفي النار عليها وابقى حركيها لحد متتجانس
اوف لو يمي يامحتاره جان سويتها ودزيتلج
تدللين
ياريت من تظبطيها تكوليلي حتى ارتاح ههههههههههههههه
تسلملي طلتج الرائعه
لاتحرميني روعتها
قبلاتي

علي شكرا لروعة مرورك عزيزي والف عافيه اذا تحبها
ومااعرف شتسموها انتو احنه نسميها حلاوة حليب لان الحليب هو العنصر الاكثر الي يدخل بيها
نورت الموضوع عزيزي
لاحرمت روعة مرورك
تحياتي

مشكوره ام علاوي على الطريقه

شكرا لك اختي العزيزه
ام علاوي على الموضوع الجميل
نتضر كل ماهو جديد دائما منك
تقبلي تحياتي ومروري

وردة الفرات
نورتي الموضوع
لاتحرميني الطله
لك ودي

العراقيه شكرا للحضور الجميل
لاحرمت روعة تواصلك غاليتي
لك مني كل الود