الشاعر سعد الربيعي
زهيري للوطن
انته العراق الابي مااضن مثلك وطن
حبك ثكل بالكلب وزنات صار وطن
وهامات علو النجم كلها لترابك وطن
صولات الك تنذكر والدول عدها علم
الجولان تشهد الك بيها انته رافع علم
مدرسه لكل الدول انته حضاره وعلم
حتى بمنامي احس همسات صوتك وطن
@@@@@@@@@@@@@@@@
الشاعر علاء الصوفي
تتبطر انت وعلــــي ماشفت منك ورد
جنت ارسل وما ترد اسكت واجامل ورد
واردك فارغ علي ماشفت منك ورد
ترسل عليه بـده وارسل عليك بجمع
ما تلتكي ومن تجي حاضرك دوم بجمع
طاحت عليك النظر وانتى التجازي بجمع
لطلع انبش بهلك العــن واسب او ارد
@@@@@@@@@@@@@@@@@@
الشاعر خالد التكريتي الشرقاط
لولة براسي عكل عكب الولف ماضل
ماجان ذيب الوهم فوكي هجم ماضل
ناديت يالامتي بدياركم ماضل
ارفج معاكم يلولة اتراب كلت ألهم
كالولي ربعي اصبحت بالويل كلت الهم
كالوي دمعك عجب ماسال كلتلهم
بجيت من فاركتهم ولف ودمع ماضل
منقول
تحياتي وتقديري
