سحر الخيــــــــــــــال........// للامام المهدي(ع)//

اللهم صلِ على محمد وآلِ محمد

الك كل ليلة يشبح نضر عيني..الك مشتاك يبن الحسن سليني .
اطوف بعالمك سيدي واسرح..سهم حبك رماني بعمري واسنيني.
سحابة عشك مليانة ود ووفة..انةمثل النوك ما يبطل حنيني.
شوصفنك مثل لؤلؤبوسط الصدف..غايب عن الانظار والكيك بشرايني .
يل وجهك مثل در النجف ناصع.. وخال البخدك مثل ياقوتة يغويني .
يا هيبة علي وشايل اوصاف النبي .. يل ثغرك مثل ثغر حسين سابيني .
يل مشيك مثل مشية الزهراء..خيالك ما يفاركني اماشيك و تماشيني .
تصلي بمسجد الكوفة اصلي اوياك .. تبات بمسجد السهلةابات اوياك خليني .
تزور بليلة الجمعة كبر حسين ..تطوف بصحن جدك بنص الليل وديني .
انة مكدر على اغيابك يبو صالح.. تمنيت اعيش وياك اناغيك وتناغيني .
جمر فكدك يهيج كل جرح بية .. لون تظهر احس بس شخصك يداويني .
مو عجيبة الخضر ظل عايش اليومك .. وعجيبة لون ظللك يصحيني .



صرت اوكف اكبال البحر وانخاك .. وادور فوك وبياكوكب الاكيك وتلاكيني .
كمت كلما يمر نيزك اسالة اعليك .. وين اشوف الولي الغايب امروتك تدليني .
سهرت الليل وانجومة تحن مثلي .. حنين العاشك الولهان ياريتك تحاجيني .
واشوف الماي يكسر الساحل بروجة .. انة مثل الماي اصيح اهواك تدريني .
انة ضامي العذب الطافك وجودك .. ردت تجذبني لحضانك بفيض العشك ترويني .
اذوب ولظة اجروحي ما يبرد .. ودمع عيني مثل المطر ينزل يواسيني .
صرت كلما اشوف الناس اتالم .. بس شوفتك مولاي كل همي تنسيني .
عفت كل خلاني يا ساحة اشواكي .. لون خيم سواد الليل اناجيك وتناجيني .
ليلة اخمصطعش شعبان يا ليلة هنة .. بية انولد ضيك يطوف بكل مضاميني .
شفت اسمك بمصحف الباري يشع .. حتى بالتورات والانجيل انوارك تناديني .
وسفينة نوح من ابعيد تندهلي .. بية انحفر رسمك وبكل دواويني .
ومثل هلليلة طيفك يمر بية .. اصافح جفك المهيوب احييك وتحييني




كمت اتبع اثارك بخوف وامل .. وصلت بحماك مكة وترجيتك تراويني .
مقام النبي ابراهيم وكعبة الباري .. طفت بالبيت واركانةيتناثر انيني .
انزلت تسعي ما بين الصفة ومروة .. انزلت اسعي وياك والارض تاويني .
شفت اجدامك من السعي مفطرة .. كتلي كل موسم حج لونك رحت تلكيني .
جبل عرفات اصعدت واحس الجبل يتصدع .. اسمعت تصرخ من النار يا ربي نجيني .
اجذبت حسرة واة من شدت دعائك .. مقامك عظيم ومنك درس تنطيني .
ذبلن اشفافك سيدي من كثرت التسبيح .. والتمجيد والتهليل تخليني اكثر اتمسك بديني .
وجلمة اللهمة لبيك تنطقة بخشوك .. وصدى صوتك يهيمني يصبحني ويمسيني .
يالمهدي من نورك تشع مكة وضواحية .. يهالة نور وهاجة بكل مياديني .
اهناك لن طبيت سامرة البهية .. وبكل ركن منة شفت الاملاك تهديني .
قناديل وشموع وورد وبليلة الميلاد .. واحس لن نورك يحد بينك وبيني .
الف يا حيف ظللك عن خيالي اختفة .. ارجعت احي هلليلة وكلت لن حان حيني .




دعواتــكم

اللهم صلي على محمد
وعلى اله الطيبين الطاهرين
وعجل فرجهم وفرجنا بهم يا كريم
بوركت اناملكِ اخت احلام
وجزاك الله كل الخير
على هذه القصيده المياركه
تقبلي تحياتي وتقديري
مع اطيب الامنيات

تسلم اخوي الطيب لمرورك الكريم وفقك الباري
تحياتي لك

اللهم صل على محمد وآل محمد وعجل فرجهم الشريف

نبارك لكم ذكرة ولادة المهذب الخائف - والولي الناصح قائم آل محمد
جعلنا الله وإياكم ممن يناولون شفاعته

قصيدة مباركة
شكرا لك غاليتي
ولاحرمنا هذا المداد

تسلمين امي الغاليه لمرورك الرائع والمميز
الف تحيه لكي مني ربي ينطيك الصحه والعافيه
تحياتي الك

اللهم صلي على محمد
وعلى اله الطيبين الطاهرين
وعجل فرجهم وفرجنا بهم يا كريم
بوركت اناملكِ اخت احلام
وجزاك الله كل الخير
وجعلها في ميزان اعمالك
تحياتي

تسلم اخوي الكريم لمرورك المميز ووفقك الباري
تحياتي

اللهم صلي على محمد وال محمد ..... بوركتي اختي ووفقتي انشاء الله على ما اقدمتي عليه بحب ال بيت رسول الله محمد ص واهدي لصاحب العصر والزمان اذا تكرمتي لي بقبولك بهذه الكلمات البسيطة ...
ياوردة عمر دين النبي المختار .......... ياسر الاله الصار للامة
ماتذبل ابد هالوردة لا هيهات ..... لان جدك رواها حسين من دمة

تحياتي

تسلم اخوي الكريم لمرورك
وبارك الله بيك على كلماتك الرائعه
تحيااااااااااااااتى