روحي .....ولا تگلها شبيك وانت الماي (مظفر النواب)

روحي .....


ولا تگلها شبيك وانت الماي


ومگطوعه مثل خيط السمچ روحي ...


حلاوة ليل ..محروگه حرگ روحي


حمرية گصب مهزوم بالفالة روحي


عتبها هواي ما يخلص عتب روحي


ولا مريت ولا نشديت ولا حنيت


وگالولي عليك هواي


عودان العمر كلهن گضن وياك


يا ثلج الما وجيت


تعال بحلم واحسبها الك جيه وگولن جيت


يلعيناك فحل الگطا الگاطع چول


يلشوفتك شباچ للقاسم ودخول السنه منلگاك


يا في النبع ..واطعم ..عطش صبير ولا فرگاك


يا مفتاح فضه ..ولا رهم غيرك علي مفتاح


وانت عرس الليل والقداح


يا ريتك تجي وترتاح


واگعدلك على فراش العرس بطرگ المسچ والنوم


عمر وتعده التلاثين.. لا يفلان


عمر وتعده وتعديت


ولا نوبه عذر وديت


وانه المسچ والليل.. وانت بنومي


واغمض وارد اجيسك يا ترف


تاخذني زخة لوم


وگلك ليش وازيت العمر.. يفلان


لا التفتيت ..ولا وعديت ..ولا استخطيت


ولا طارش چذب وديت


ولا مره شلت عينك تعرف البيت


گالولي عليك هواي ...


ورحت براي وجيت براي


حسبالي سنه وسنتين وتلاثه واشوفك ذاك البگلبي


واضوگك ماي


ولا وعديت ولا حسيت ولا استخطيت


وگالولي عليك هواي ...


يا ثلج الما وجيت

يا مفتاح فضه ..ولا رهم غيرك علي مفتاح
........................................
تسلم ايدج لهذا الانتقاء الرائع
تحياتي الك ولشاعرنا الغالي الاخ مظفر

الله يااحلام ذكرتينه بهذه الاغنيه الرائعه بصوت الفنان ياس خضر والشاعر المبدع مظفر النواب وانه هلالايام شويه مهموم فلم استطيع اتماسك دموعي شكرا لك اختاه

عزيزتي احلام انا هنا اقيم جهودك فقط واشكرك على هذا الاختيار الجميل
فانا اصغر من اقيم قصيده لجبل شعري ويينبوع من الابداع
دعواتي للنواب بالصحه الدائمه وله طول العمر ولك تحيااتي

سعيده بكل من مر من هنا ووقع على اروع قصيده كتبت من شاعرنا مظفر النواب
لكم التوفيق والصحه الدائمه لمروركم شرفتوني
تحيااتي لكم جميعااا ودوم التواصل ياربي

عاشت الايادي حبيبتي احلام
كلمات روعه

كل الهله بيج ياغاليه لمرورك العطر
تحياتي الك

تعال بحلم واحسبه الك جيه واقولن جيت .. يالله يالله تحياتي الج اختي العزيزه احلام احييج واحيي ذوقج الراقي الاصيل .. (روحي لا تكلها شبيج وانت الماي ) طبعا كثير من الاخوه المستمعين او القارئين يعتقدون بأن (الماي) هي معناها (الماء) ولكن هي (وانت ألماي) يعني (انت ألمي) من الألم . اي لاتسأل روحي وتكلها شبيج وانت ألمها وألمي .. ودائما المعنى في بطن الشاعر . ودعواتنا لكي بالتوفيق وشكرا (بوخلدون)

شكرااااااااا على القصه جميلة
انتظر جديدج
مع تحياتي
رشا

شاكرة مروركم اخواني وخواتي ربي لايحرمني من تواصلكم الدائم ممنونه لل شخص شرفني بمروره الكريم
الف تحيه لكم