حب الحسين للشاعر الشهيد رحيم المالكي

:66 (46)::66 (46):حب الحسين:66 (46)::66 (46):

الى الان تجري يافرات؟؟؟
شلون تجري ومايك ازرك يافرات؟
وانته ذنبك مو ذنب يكطر دمه
تسابكت بالطف على حسين السيوف
ومايك اول سهم في صدره انرمه
جان مايك احد من كل السيوف
حيل أثر بالحسين وألمه
بس بنات المصطفى حر الجبود
حسين حر وهاي للحر تلجمه
وعطش عبدالله اللي فرفح بين اديك
كطع كماطة ولعد مايك ومه
طاح ابو السجاد يم جرفك شهيد
بين سيفين العدى وسيف الظمه
انا لو منك اودي ويه الطيور
الماي خاطر منسئل ليش ولمه
لاجن انته تريد تذنب يافرات
وهاي ماتحتاج شرح وترجمه
انفرط عقد الدين وعيونك تشوف
وجان ممكن شربه منك تلظمه
عطشيت الدين عن بكرة ابيه
وكطعيت جفوف سبع الموزمه
تدري لو مايك وصل يم الخيام
جا روه العباس منهم صارمه
وجان ما ردت رؤوس على الرماح
جان ردت خيلهم تكطر دمه
شلون طاح حسين يم جرفك شهيد؟
وما ركض مايك لعد جدمة انرمه
طاعت اسماعيل صحراء الحجاز
وانته شح مايك لابن حامي الحمة
ما ظن اسماعيل افضل من حسين
وما اظن امه اتقدم فاطمة
ذاك ابن واحد سأل رب الجليل
كيف تحيي الموته وترد قائمه
وهذا ابن حيدر علي سيف الرسول
المايخاف بدينه لومة لائمه
الكال لو ينكشف عن عيني الغطاء
مايزيد من اليقين الفاهمة
يافرات وبعد تجري يافرات؟
المايشوف الحك عسه بعينه العمه
كوم طم روحك حدر كبر الحسين
واغتفر لله واطلب مرحمه
كوم واغسل مايك برمل الحسين
وخلي مايك يا نهر يتيممه
الفرق شوفه بينك وبين الكرام
حسين شاف الدين عطشان لدمه
ضحه باخر قطرة من دمه الشريف
وظلت آخر قطرة ثورة وقائمه
حسين اصل الجود وانته اصلك نهر
ويا نهر للنبع انطه وكرمه
حسين صافي واصفى من ماي الجنان
وانته اصلك طين وجروفك طمه
حسين لو منك شرب جان ارتويت
وجا تشرف مايك ولامس فمه
لكن انته الحظ عماك وتيهيت
وسوء حظك رادلك هالخاتمة

الشاعر الشهيد
رحيم المالكي

رحم الله الشهيد رحيم وأسكنه فسيح جنانه.
قصيدة توشحت الحزن ولبست الألم فكانت لوحة تصويرية
ذات ألوان لايمكن أن تمحى من الذاكرة.
سلام الله على إبي عبد الله وعلى أولاده وأصحابه.
بوركت أخي الفاضل المحظوظ
ودُمت بحفظ الله ورعايته.

شكرا لك حبيبي الغالي على طرح هذه القصيدة الحسينية الرائعة وانا
احبها كثيرا وخصوصا هي مكتوبة من شاعر كبير وعزيز ومحترم الشاعر المالكي تغمده الله بواسع رحمته
ولك انت كل الحب والشكر والتقدير
على طرح القصيدة تحياتي

عطشيت الدين عن بكرة ابيه
وكطعيت جفوف سبع الموزمه
تدري لو مايك وصل يم الخيام
جا روه العباس منهم صارمه
وجان ما ردت رؤوس على الرماح
جان ردت خيلهم تكطر دمه
شلون طاح حسين يم جرفك شهيد؟
وما ركض مايك لعد جدمة انرمه

رحم الله شاعرنا الكبير رحيم المالكي
وصح لسانه على روعة هذه القصيدة المباركة
عطر الله انفاسك عزيزي
وجعلها في ميزان عملك
ودام لنا هذا التألق وحسن الإختيار

مع تحياتي لك

اخي العزيز هذه القصيده الرائعه مكانها هو الشعر الشعبي وانا نقلتها هنا شكرا لك لنقل قصيده رائعه بحق الامام ورحم الله الشاعر المالكي

اقتباس:

---

المشاركة الأصلية كتبت بواسطة فدك

رحم الله الشهيد رحيم وأسكنه فسيح جنانه.

قصيدة توشحت الحزن ولبست الألم فكانت لوحة تصويرية
ذات ألوان لايمكن أن تمحى من الذاكرة.
سلام الله على إبي عبد الله وعلى أولاده وأصحابه.
بوركت أخي الفاضل المحظوظ
ودُمت بحفظ الله ورعايته.

---

شكرا جزيلا اخي العزيز
هذا من دواعي سروري ان انقل هذه القصائد لشعرائنا العضام
مع الشكر والتقدير

اقتباس:

---

المشاركة الأصلية كتبت بواسطة المهندس علي

شكرا لك حبيبي الغالي على طرح هذه القصيدة الحسينية الرائعة وانا
احبها كثيرا وخصوصا هي مكتوبة من شاعر كبير وعزيز ومحترم الشاعر المالكي تغمده الله بواسع رحمته
ولك انت كل الحب والشكر والتقدير
على طرح القصيدة تحياتي

---

رحم الله الشاعر رحيم المالكي
شكرا لك اخي العزيز لدخولك هذه الصفحه
ومشاهدتك هذه القصيده
واسأل الله ان يحفضك ويرعاك
تحياتي لك

اقتباس:

---

المشاركة الأصلية كتبت بواسطة ام فيصل

عطشيت الدين عن بكرة ابيه
وكطعيت جفوف سبع الموزمه
تدري لو مايك وصل يم الخيام
جا روه العباس منهم صارمه
وجان ما ردت رؤوس على الرماح
جان ردت خيلهم تكطر دمه
شلون طاح حسين يم جرفك شهيد؟
وما ركض مايك لعد جدمة انرمه

رحم الله شاعرنا الكبير رحيم المالكي
وصح لسانه على روعة هذه القصيدة المباركة
عطر الله انفاسك عزيزي
وجعلها في ميزان عملك
ودام لنا هذا التألق وحسن الإختيار

مع تحياتي لك

---

رحم الله الشاعر رحيم المالكي
شكرا لك اختي العزيزه ام فيصل
لمتابعتك مشاركاتي
واسأل الله ان يحفظك ويرعاك
مع تحياتي لك

شكرا جزيلا على كل من زار هذه المشاركه وعطرها بوجوده
مع تحياتي

رحمك الله برحمته الواسعه يا شاعر يا مبدع
يا رحيم المالكي
شكرا لك اخي الكريم
على نقل هذه القصيده المؤلمه
بحق سيد الشهداء ومظلوم كربلاء
ابا عبد الله الحُسين
تقبل تحياتي وتقديري
مع اطيب الامنيات