لان طبعچ حلو وادري سريعة أدموع
ياامي ألحنينه ألسبحه بأيديها
يااجمل امل مكتوبة بالقران
جنتنه تمر من تحت رجليها
چرغده شرف ملفوف فوك ألراس
وبريسم الفوطة مدورة أعليها
يانبع المحنه وبيها كل الطيب
ياتاج أعله راسي انه أخليها
ياامي رضاتچ من رضا الرحمن
يابلسم دوه الكل أه يشفيها
من جاهه الملك والملك ضل محتار
داخ من المسك والعنبر البيها
ولان أمي الدعاء ألچأن بيه الخير
صرنه احنه ابسفينه ومات راعيها
والدنية عكس صارت تفر وياي
واطيهه ارتفع والعالي واطيها
كل خرزه ابسبحتچ يمه هيه اتلوب
وأحس بيه تون من أرد أمر بيها
يايمه الخرز ليدچ تحن أتريد
وي نبضچ تسبح وأنتي تدريها
يايمه الحياة اشتسوه دونچ يوم
بس دمع العيون أتصب بواجيها
يملك الموت أوگف انه ابنهه شبيك
دخذ روحي بدلهه وهيه خليها
ياجنه حياتي ألما نسيتچ يوم
لون بدموعي اكتب ما أوافيها
ولان أمي الصلاة ومنبع الإيمان
بجنات الخلد ياربي اكفيها
سلام الدراجي
