قصيده مهداة الى ابنتي احلام مع التحيه

لون تدري بغيابك بحالنه شصار
مثل حال الغريب بدون اهله
ومثل ليل المفارك صارت الروح
ودموع العين للغالين تحله
على دربك زرعت الشوف ناطور
واحير من الكلب يسال شكله
تمنيتك تجي وتكحل الطيف
وجرح وكتي بيمينك انت شله
جنت غايب وامني الروح كلساع
واكول تعود ورحي الهم تمله
الما يسال اكله باجر يعود
واليسال احيرن شرد اكله
بعدك موت حط بالعين تيزاب
وغيابك ياترف حط بينه خله
جرح روحي غميج وعينك دواه
وخيط الحزن بيدك انت تحله
الف اهلا وسهلا بيك من جيت
ضوه البيت بيك ودربه كله
سلامات وغيابك فتت الروح
وياطرواك جنه شلون امله

مع ارق تحيه لابنتي احلام وعوده مباركه والحمد لله
على سلامتك ابوك ماجد الشاعر

ودموع العين للغالين تحله
وصح لسانك ابوي الغالي ونعم منك ومن كلماتك الرائعه وبالفعل دموعي تجري للغالين والي اعزهم بابا
والله شاهد عليه شكد فرحتني قصيدتك بابا
وربي لايحرمني منك بجاه الحبيب محمد ويسعدني اوقع وواقرا وتنزل دموعي الك ولكل غالي على قلبي
الف شكر وامتنان الك ابوي الغالي وربي لايحرمني منك
ومن اهل الفرات جميعا
ربي ينطيك الصحه والعافيه
تحيه الك بابا
بنتك احلام

الله وتسلم اخ ماجد لهذه القصيده الرائعه وتستاهل الاميره احلام وعوده موفقه ان شاء الله للمنتديات الفرات دمت بخير

تدللين بابا احلام وشكرا لكلماتك الجميله
اتمنى لك دوام الموفقيه ودمتي

شكرا للمرور الجميل اخي سلام
ودمت بخير الله
وحفظه

عودة ميمونه للاخت احلام بيننا
والله وتستاهل كل الخير..وبعد زود
هي في الانتظار ونحن بقينا بانتظار عودتها وها قد عادت بكل حيويه ونشاط
ربي لا يحرمنا من طلتها البهية

تستاهل الغالية
ممنونين منك ياشاعر
على روعة هذه الكلمات واحساسها الجميل
لاحرمنا هذا الفيض
ولوكنا نعلم ان عودة احلام سيجعل هذا الرافد يعود الينا

لتوسلنا بها ان تعود سريعا

صانع الكلمات انت ----------------- بلا منازع
تحياتي للحاضر الغائب

تسلم اخي امير الاحزان وشكرا للمرور الجميل
تحياتي لك ونورت الموضوع

ام فيصل الغاليه
اكيد لمرورك طعم خاص ولكمتك
روعه لا تنافس
شكرا الك وشكرا لااحلام
واني عندي كل عزيز هو قصيده
اعتز بيها وانتي اولهم
هههههه
تحياتي