مره مره ... للشاعر كاظم اسماعيل الكاطع

مُره مُرَه عِشرتي وياك مُرَه
ومن أريد أنساك يمنعني الكًلب
ويذبله حســـــــــره
ومن أريد أنساك , يعرضلي الدرب
ويكًلي إلك خطوات
ذكــــــــــــــرى
ومن أريد أنساك تذكرني الملامه
وشنهي ربحي وياك
واللي مادروا كًالو
تخســـــــــــــره
آنه شنهي الماخسرته وحتُى أخسره ؟
ويانهر يعتب عليٌه ... ؟؟
حتى بجناح الكًصب روجات أعبره ..
وياجبل يصعب عليك حتى أذب حبال روحي
إكًصايب أعلى جتاف صخره
وياعظم تتصوٌره إلتمْ !!
حتٌى يم بابك عشر كسرات
أكســـــــــره
مُرَه .. مُره
والمراره إتزيد لليمشي إبجزيره
ومالكًه وسادة محبه إتريح
ظهـــــــــــره
والمراره إتزيد للمايلكًه ظِلْ
وينتجي إعله الشيب عُمرَه!!
ويا جمرتي الماطفَتْ
حَسٌبت يطفيها دمعي
ثاري دمعاتي إعله خد النار شذره!!
إنته من دكًيت بابي
جبت وياك الحزن خطار ماين
والفرح طلٌعته برٌه!!
آنه من شكًيت زيجي إحتركَت إيدي
وانته من شكًيت زيجك شفنه كًمره...
كان عمري نهر صافي
ومايه غافي
وخنجرك مثل البلم بالليل طرٌه !!
ويانهر والحسره حسره
كون أشوفن سندبادك
شايل إعله إجتافه جزره
بكًلبي حسره...
كون أذب ثوب الحزن وآنه بشبابي
والحزن عالخد أســـــطره..
هيٌه حسره وأمنيه\ نسميها فكره
كون أشوفن سندبادك
شايل إعله أكتافه جُـــــــزْرَه
كون أشوفن مريمَك ما بيها لولـــه
ومن صِدِك نلكًاها عَــــــذرَه !!
هيــٌه حسره .. وعشره مُـــرٌه
والمراره إتزيــد للمايلكًه فـَـيْ
وينتجي إعله الشيب عمـــــــره

تحياااااااااااااااااااااتي

والمراره إتزيد لليمشي إبجزيره
ومالكًه وسادة محبه إتريح
ظهـــــــــــره
والمراره إتزيد للمايلكًه ظِلْ
وينتجي إعله الشيب عُمرَه!!

انتقاء اكثر من مجرد رائع
فالذوق الرفيع منكم واليكم
تقبلي مروري المتواضع
على طرحكم المميز والرائع
مع ارق التحايا
واطيب الامنيات

شكرا لكي ام علاوي للقصيده المختاره للشاعر الكاطع فالف تحيه مع خالص الود والاحترام

حيدر القريشي.... قلمي يقف عاجز امام سيل حرفكم

بوركت اخي ودام لي حضورك المميز

تحياتي
ام علاوي

آنه شنهي الماخسرته وحتُى أخسره ؟
ويانهر يعتب عليٌه ... ؟؟
حتى بجناح الكًصب روجات أعبره ..
وياجبل يصعب عليك حتى أذب حبال روحي
إكًصايب أعلى جتاف صخره
وياعظم تتصوٌره إلتمْ !!
حتٌى يم بابك عشر كسرات
أكســـــــــره
مُرَه .. مُره
قصيدة قراتها بمرارة شكرا ام علاوي على اختيارك لقصيدة العملاق كاظم اسماعيل الكاطع

الله الله هذه الاشعار وألا فلا

سلام الدراجي شكرا لروعه مرورك استاذي العزيز
لاعدمتك
تحياتي

الامير سامر ... نورني قدومك
شكرا لحضورك المميز
لاعدمتك
ودي

العربي ... شكرا لروعة المرور
لاتحرمني الطله اخي الطيب
لك مني اجمل ورود الجوري

http://www.alforat.org/picture.php?a...pictureid=2489الاخت ام علاوي .....دمت ...
رد قصيده .مره مره .....ما أجمل ما يخطه قلمك فهدا ابداع ورائع كروعتك .اختاه تألقي وابدعي
وامتعينا بقلمك وبوحه ....
اهديكي صورة فازة ورد من صنع يداي مصنعه من الخشب لعلها تسرك وتسر الناظرين .... ادم 22

ادم .. شكرا لرقة المشاعر لاعدمت تواجدك المميز
لك مني باقه من اجمل ورود الجوري