ابيات زهيري
لولة براسي عكل عكب الولف ماضل
ماجان ذيب الوهم فوكي هجم ماضل
ناديت يالامتي بدياركم ماضل
ارفج معاكم يلولة اتراب كلت ألهم
كالولي ربعي اصبحت بالويل كلت الهم
كالولي دمعك عجب ماسال كلتلهم
بجيت من فاركتهم ولف ودمع ماضل
ـــــــــــــــــــــــــــــــــ
ياصاح همي بنى فوك القصور قصور
وشمطال حبل الوهم ماينكطع بقصور
احذر خوي الردي شما ينمثل بقصور
دور اصحاب بيام الضيج هم الها
ودموع عينك على الطيبين اهملها
هاك اكضب وصيتي اياك تكون هاملها
ماينهدم بيت لوما بالاساس قصور
ـــــــــــــــــــــــــــــــ
ظليت طول العمر لجلك ادور والف
وين الكى مثلك ولف ولو عادلوني بألف
شسال وادواي واخيط جروح عنك وألف
وكلما ادواي جرح يطلع مكانه وسم
وخلاني مثل الجارع مراره وسم
عكبك تراني اصبحت بس الخيال واسم
واطلب رجاك لان ماعندي غيرك ولف
كالولي بالمدرسة ثابر بدرسك وجـــــد
وكلمن تعب بالدرس لابد ثماره وجـــــد
واتبع سبيل المثل كلمن جد وجـــــــــد
شو اني كلما اجد محصولي يطلع صفر
وعيوني من الدرس غوشن صارن صفــر
كلما اطــــب امتحن أرسب وأخذ صفــــر
وأجيالي كلها اتخرجت والصار أب وجــــــد
منقول :66 (6)::66 (46):
