صح أبعيد انته وانه ما ناسيك
لان اسمك أبگلبي أنكتب بالفطرة
ولان حبي ألك مثل الطفل مفطوم
والمفطوم يبچي أيريد بس قطره
وانه العطشان جيتك بس أريد الماي
والجرة أبيديك وتكسر الجرة
درهم چنت بيدك تلعب اشما تريد
وبيه أنت أربحت بالكتبة والطرة
ولان احنه بسفينة وانته لي سفان
صرت انه الشراع أليمنه وليسره
وكل هذا وتگلي ما أحسن بيك
وبروحي توجهه ألنارك ألكبره
مثل قيس الملوح هايم انه البيك
بس رايد أشمك متت بالحسرة
طيفك بالحلم مر بيه نص الليل
وفزيت وليگتك بالگلب جمره
رمانك لحك من بان وسط الزيج
وشلون اكدر اقطفه وعاليه الشجرة
ناذرلك عمر بس أرد أحضنك يوم
وبصملك احبك والله بالعشرة
وبصملك احبك والله بالعشرة
الشاعر
سلام الدراجي
