لمن هجرني وراح ولفي أسمع شصار..............
لبراسي من كل صوب آثار لحجار
من ما أجاني هواي تدري شجرالي ...............
حته الزرع والماي يبجي عله حالي
حته الزرع والماي يلطم عليه ....................
من عرف بالمحبوب ما رد اليه
من عرف بالمحبوب ما مر علي كام .................
يبجي ويحط تراب من جدمه للهام
هذا الزرع ..... والماي ذب روحه بالنار .................
من عرف بالحب راح ظل فارغ الدار
وك لو علي حنيت جان ذكرتني ........................
مثل اليتيم أبباب بيتك عفتني
كلبي شكثر مالوم من كثر لفراك ...................
موحته شوكي يصيح والله آنه مشتاك
لو فكرت أنساك تنهل لدموع ..........................
أسمك حفر محفور مابين لضلوع
كلبي شكثر يهواك خل تحجي ونته .....................
أفتح دليلي وشوف بي تلكه انته
نقالي مابي شي حسبالي عطلان ....................
بس طافي جي حس بيك من عندي
زعلان
بس كلي شوصف بيك وجفوفك خدود .................
من كد حلاتك خاف يلتهمك الدود
من تمر يفقد حيل يطوطح البيت .....................
حته المعمم داخ لمن تعديت
راوست راس براس حب كل لكلوب ..................
وي ربع حبي وياك وطلعت مغلوب
من سافرت لليوم مر آكل الزاد ......................
مو كلبي راح يموت ما يحمل بعاد
لو تدري ولفي شصار من خابراني ................
من فرحة النقال جلّب بذاني
لو تدري بيه شصار من رمشتلي ..................
هلهلت حته الناس هم باركتلي
الشاعر نشأت الخالدي:66 (46):
