شنسه منك-------- شنسه منك
حته لو تجبرني انسه
ولو نسيتك --- شنسه منك
انه راح انساك لكن
انته هم تنساني فنك----شنسه منك
انه احب أشتم عبيرك
هذا سر خلي ببيرك
حته لو احجي ويه غيرك
هاي معناهه احجي عنك------ شنسه منك
شنسه كلب الأخذ همي
لو أدين التحب ضمي
انه اريدك دوم يمي
حته أظل مدمن بشمك ------- شنسه منك
لو تروح يخيب ظني
وروحي هم تغيب عني
انه أغار عليك مني
ومن شفاك يغار سنك -------- شنسه منك
شنسه يوم الواديعتك
ويوم ابجي أباب بيتك
تذكر شكتلي من اجيتك
كتلي راح تروح جنك --------- شنسه منك
تدري شيصير من أشوفك
روحي تركض عله جفوفك
لا تظن يوم انه اعوفك
لأن خاف أيخيب ضنك--------- شنسه منك
شنسه منك
الشاعر نشأت الخالدي:66 (46):
