والله وسفه
والله وسفه
طًرن كليبي مشاحيف الخيانة
بعين صلفه
وغرفن بروحي غرف .. مطلاع زفه
والله وسفه
الليل سنطه
واليحوف ادلالي اعرفه
والسجاجين ابغدرها ... بضلعي مكفه
والله وسفه
امنت روحي بهبوب الريح
ما دريت بروحي سعفه
وامنت حسبالي امان
وطلع منفه
والله وسفه
انا ذاك الماغمض للشينه طرفه
وانا ذاك الماصفن وياي تصفه
وثوبي من جيح النجاسة دوم اكفه
شوهدناني وي خلك كلهم نجاسة
الحك تحرفه
والنجس مو وصخ ثوبة
من ارد اوصفه
النجس دمه نجس بس عانه ضرفه
والله وسفه
ايصير وصف العهر عفه
والذيول بهل المان
اتصير دفه
والشرف ما يعله جفه
والله وسفه
ياما عاندني زماني
وبيدي اوكفه
هسة يبزل وكتي ذله
اشلون اغرفه
والله وسفه
الذهب بتراب اصرفه
والعجيبه شلون صدفه
فالة تحمل شاخة ترفه
والمصيبه
الزين من الشين اعرفه
لكن لوكتي شكولن
والله وسفه
والله وسفه
الشاعر علي البزوني
