الف وسفه الدهر عنك بعدني
احبك واشتهي وصلك بعدني
تراني عالعهد باقي بعدني
تراك انته النظر والحيل بيه
نور فراككم بالكلب ماجن
وعليكم زين عندي عكل ماجن
رسايلكم عجب لليوم ماجن
السبب شنهو كطعتوهن عليه
حرامي انته وبگت گلبي عكس كل الحراميه
الحرامي يبوگ نص الليل وانته اتبوگ ضهريه
وانه مستنانس وراضي ولا اسولف على البيه
ولا چن گلبي التفرهد اگول بسكته شعليه
تگلي الناس مو گلبك اگل للناس مو ليه
تگلي الناس مو باگك اگول انطيته بيديه
حبيبي وباگ دلالي شعليه الخلگ بيه
غصن التين
يا مايْ ليوصلنّي لْبساتينك؟
يا نسمة؟
يا نهر الْيدلّيني يغصن تينك؟
وك تِعَبْتْ وتعبتني وياك
وديت العمر.. كل العمر خطار
بلجن ترحم سنينك
تداويني؟
شتداويني وانا مبضّع على طولي بسجاجينك
حسافة على الزمان الفات وياك
وحسافة عليك، فرّطت العشك ع الرايح وع الجاي
بس وياي ما عدلت ميازينك
روح بلا عتب ما تسوه حتى عتاب
إلي ديني وألك دينك
@@@@@@@@@@@@@@@@@@@@@@@@@@@@
يفــلان وشحصــلت منك بعد وجنــــي
عشت انه مجني علي يمته اذنبت وجني
من حرالاشواك انته البلهجر وجنـــي
والله صارت علي مـاصــارت وجـــاريه
اســرت روحي غفل عندك صفت جــاريه
ومابطلت دمعتي طول الوكت جـــاريه
ومن كثر حرالدمع شب واشتعل وجــني
**********************************
ياخلي ليل الهجر للون صبح جرار
واشكي القهر للشعر ومترس الجرار
تحنت ضلوع الصدر واملت دموعي اجرار
مني اني شنهو البدر جازاني ابعده
وعملاته بيه اكثرن ماتنعمل بعده
منك شفت بس قهر وادري الحبل بعده
خلص عيوني البجي والحبل عالجرار
********************************
منقول :66 (46)::66 (6)::66 (46):
