ياحبيبي انه احبك ليش گلبي الذابحة
عيني مشتاقة ألعيونك وأنت عينك شابحه
أبسعادة ورغد عايش عجب اسمي الماسحة
انه ما يوم ألهجرتك وليحبك صافحه
جيتك وبيدي زهوري حلوه لك امفتحه
جيتك وحامل همومي بليله ضلمه كالحة
وبگلب مخنوگ انطر نظره منك تشرحه
انه اسهرلك ليالي وغيري أنت أتمازحه
كافي يوميه تهاجر وي طيورالسابحة
ضلي وي ضلك يسافر وادري عينك لامحه
انه خسران أبمحبتك گلي شنهو الرابحة؟
انه عطشان أعله ميك صفي ميك مالحة
رسبوا بحبك يغالي وكفتي هيه الناجحة
وانه محتاج ألجوابك ليش گلبي الجارحة
ياحبيبي اصلي طيب ومن فروع واضحة
زينك الغيري يغالي وعلي شينك طايحه
ياحبيبي العمر يجري لازم احنه أنصارحه
ليش تجبرني اسولف بالأمور الفاضحة
تذكر أبيديه أضمك وانه أشمك رائحة
تذكر أبيدي أطعمك وانت فاهك فاتحه
وتذكر امن انه أقبلك شفتك أنت السايحة
لا تكابر ياحبيبي أتريد اعمل نايحة
ذكرياتك ياحبيبي وي دمي بارحه
وليجيك وگلبه نادم مد أيدك وصافحه
كافي زعلك ياحبيبي وانه روحي مسامحه
أنت وحدك بالقصيدة وهيه والله الكاسحة
(وهاي أقدمه ألقصيده للحنينه الرايحه)
وانه ما انقل (ياسالم) كفتي هيه الراجحة
وتدري (ياسوداني) شعري ما تلحگه الجامحة
والقصيدة البين أيدك چنهه سيف جارحه
والقلم ينزف كتبهه قبله يوم البارحة
اجتني أفراح عنك مالهنه
وعليك أدموع صبن مالهنه
عيوني الغير حبك مالهنه
لان انه ألك وأنت إليه
سلام الدراجي
