بيدي لخط فوك الكلب
باعوني والله اصحابي
ماواحد المنهم وكف
وكفةجذب يم بابي
ماواحد ابربعي سأل
لوبالجذب عن حالي
من جان زاهيلي الوكت
مثل الجيوش اكبالي
من طحت ماواحد وكف
ولاشال عني ولاشكف
جنت آنه عدهم غالي !!
وتاليهه باعوني ابرخص
من طيحاني اصوابي
بيدي لخط فوك الكلب
باعوني والله احبابي
*****
باعوني لعداي ابرخص
بيعة غشيم الصحبان
من شافو اسلالي خلت
وانجفه ابحملي الميزان
مادرو حال الناعور
دنيانه بالهم اتدور
ومادامت لأي أنسان !!!
ياوكت تحسبهه ابعدل
من تنتقم وتعابي
بيدي لخط فوك الكلب
باعوني والله اصحابي
************************
