مجبور اطيب الروح وصرخ ونة اسعر
جرحك غميج وياى يالصرت تشعر
اوهة امداهه الروح خاوت حيايه
تلدغ كبال الناس كشفت الغايه
يامن يطم الروح كلش وكيحه
ذلولة وسفه وعيب صارت ذبيحه
سمجة انا عد صياد بزهر مصيود
يحركنى بنيران وعضامى الوكود
حاير شحط للروح ومنعها منكم
صبح وعصر وغروب تسالنى عنكم
بنيان الك بالروح بعلو الثرية
كل مااكرب اعليك تبعد علية
لو راح عطر الورد عطرك يضل ايفوح
ولو طال بينة البعد ساكن تضل بالروح
بنيان الك بالروح ساف اعلى من ساف
والكلب غيرك دوم لاحب ولاشاف
بعمرى اشترى الطيبين واطلب رضاهم
واتمنة روحى تصير نجمة بسماهم
انخانى شوف شلون راح انتخيلك
اتعكز اعلى ضلوع صدرى واجيلك
ورطة الزمان اشلون ورطنى وياك
لااكدر اوصل ليك ولا اكدر انساك
اشكثر عندى اعزاز بعيونى ذنى
بس انتة اعز الناس حتى اعز منى
غربلت كلمن جان الخوة راقى
عاينت بالغربال بس انتة باقى
ملح وشكر مخبوط واشلون اصفيك
بين الجمال احتار وبين الوفة البيك
الخوة مو بالعدد الخوة رفعت راس
يوسف واخوتة اثنعش وحسين بس عباس
صاير طبع بالناس تنسة اليبعدون
بس انة ماانساك لو تعمة العيون
انتة النفس والروح من جسمى قطعة
والكلب لو ينساك من صدرى اشلعة
تقبلوا اختيارى
منقول :66 (46)::66 (6)::66 (46):
