مشط ابوذيه لشاعر دجله

صف الكون كله وانت صف لك
وعدل اوكف بموتي وانت صف لك
زعل كلبي على مودك وانت صف لك
ولامره انتصف كلبك اليه

وانا البيدي كلبك شاتلاني
ويتلني الوكت عنك شاتلاني
غير الحزن منك شاتلاني
وفوك الحزن زيدت الاذيه

وزدت لجمات كلبي ولجراحه
وراح الجاي منك والجراحه
حِسبت اكعد بظلك والجراحه
وتفيي من الشمس بيدك عليه

صيف انتَ الصرتلي وانتَ ابه
وصرت سل البكلبي وانت ابه
ردت اوصل لعندك وانت ابه
ابيت ومادمت وصلك عليه

وضعت مابين دربي انا ودرباك
ولعبت بحالي وك لعبه ودرباك
فوضى البيه من عندك ودرباك
وغيم الحزن بس يمطر عليه

وانا لحالي بجى القاصي وداني
وحبك للحد يشكر وداني
عرفت البيه وشأطلب وداني؟
تغسلني بدموعك بالمنيه

وتجفني برمش عينك وجفناك
صحتلك عاين البيه وجفناك
الجفى عني بعسر حالي وجفناك
مريده بردة ترابي عليه
:66 (46):شاعر دجله:66 (46):

صح لسانك اخويه شاعر دجله
وعاشت ايدك يا متالق
تقبل تحياتي
ودمت بحفظ الباري

جميل جدا اتمنى لك كل التوفيق

عاشت الايادي يا رائع الف شكر اخويه العزيز لنزف قلمك الجميل
تقبل تحياتي وتقديري

احسنت
وصح لسانك عزيزي شاعر دجلة
كلمات واحساس رائعين
شكرا لك ولجود قلمك
وتحياتي لك

اقتباس:

---

المشاركة الأصلية كتبت بواسطة حيدر القريشي

صح لسانك اخويه شاعر دجله

وعاشت ايدك يا متالق
تقبل تحياتي

ودمت بحفظ الباري

---

الاخ حيدر القريشي تحياتي لك
واشكرك جزيل الشكر حفظك الله وادام عزك
:66 (46):شاعر دجله:66 (46):

اقتباس:

---

المشاركة الأصلية كتبت بواسطة القناص ستار

جميل جدا اتمنى لك كل التوفيق

---

شكراً لهذه الكلمات اخي القناص ستار وهذا الدعاء الاخوي..تقبل تحياتي
واحترامي
:66 (46):شاعر دجله:66 (46):

اقتباس:

---

المشاركة الأصلية كتبت بواسطة محمد السوداني

عاشت الايادي يا رائع الف شكر اخويه العزيز لنزف قلمك الجميل
تقبل تحياتي وتقديري

---

كم يسرني ان ارى كلماتك العطره في متصفحي
وعشت وعاش العراق وما نزف قلمي الا للعراق ولن يكون قلمي جميلاً الا بالعراق واهل العراق النشامى وانت منهم
تقبل تحياتي
:66 (46):شاعر دجله:66 (46):

عاشت أيدك
أخي العزيز
ودير بالك على
كتاباتك وننتظر منك
الجـــــــــــــــــــديــــــــــــد

كل ما استطيع قوله هو
الله يوفقك00