بالامس ابو الواشرات واليوم ابو المليارات

بسم الله الرحمن الرحيم

كلنا سمع بالتسميات العراقية والبغدادية التي تتداوال ايام زمان

يطلق على الجندي
ابو خليل

ويطلق على الشرطي ابو اسماعيل
او
ابو الواشرات
وهكذا

اليوم ناخذ لقب ابو سماعيل وهو الشرطي
ولماذا اطلق عليه
ابو الواشرات

الواشر هو حاجز بلاستيكي دائري الشكل يوضع بين قطعتين من الحديد لكي يمنع التسرب

وماذا علاقة الواشر بالشرطي
باعتبار ان الشرطي يحب الرشوة او الكرامية
مكرود ينطونه
درهم والدرهم مدور الشكل يشبه الواشر اطلق عليه ابو الواشرات

مصيبة دراهم معدودة لو يطلعله الشرطي ايام زمان درهم لو درهمين
دخل التاريخ من اوسع ابوابه

اليوم
ولله الحمد تغير اسم الشرطي من ابو الواشرات الى ابو المليارات

اشلون رهمت هاي
مكرود شرطي ايام زمان ايام الخمسينات والستينيات

اتصوروا مديرية شرطة محافظة تشتري بالدين بالمليارات
عجبا هاي راح تنكلب واشرات
لو يدفعون الفاتورة
اليكم الخبر

http://www.alfadn.com/themes/ali7/news_icon.gif قيادة شرطة محافظة واسط مدانة بأكثر من مليارين دينار لأصحاب المحلات التجارية

الرابط

http://www.alfadn.com/news.php?action=view&id=1088

قيادة شرطة محافظة واسط مدانة بأكثر من مليارين دينار لأصحاب المحلات التجارية

شنو شنو شنو ؟؟؟؟؟؟
و الله هاد اللي ناكص
هسه شلون هاي شرطة
اكول خلنا ساكتين علمود منطب بمتاهات
حسبي الله و نعم الوكيل
مشكور استاذي على الخبر
و تحياتي لجهودك و ابداعك
:66 (46)::66 (46)::66 (46)::66 (46)::66 (46):

هذا لو امجهز جميع المواطنين بالاثاث هم ميطلع مليارين
بلة هاي شلون راح تصفة
اشوكت يتطور العراق والمواطن ايجوز من....... منحجي خليهة سكتة
الله كريم
مشكور اخي ابو الغيث
تحياتي

خل ياكلون ماطول خالهم عايش
حسبنا الله ونعم الوكيل
تسلم أستاذي ابو الغيث

تحياتي

والله اخي ابو الغيث هاي الشغل خوش شغله.......... اصرف ما في الجيب يتايك ما في الغيب
اكو مثل يكول
مايعرف تدابيره حنطته تاكل اشعيره..........اخي ابو الغيث انت بتاكيد تعرف معنى المثل

حياك الله يالاب طيب
وهالله الله ما شاء الله
والاخ ماكفاه في كربلاء لغف وفخفخة وهجم بيوت العالم بيها ..!!

تالي راح يكمل لغف في غير مكان..!؟
والله خوش عمي
(( البيت خلة لمطيرة وطير بيه فرد طيرة ))
الله ينطيك الصحة والعافية على هالاخبار المزلزلة
لك خالص تقديري واحترامي

على كيفكم ياجماعة
هاي مديرية شرطة مطلوبة مو مواطن عادي مكرود
لو مواطن عادي جان جرجرته المديرية وشبعته طك وحالته للمحكمة
بس هاي الشرطة ماشالله

( حاميهه حراميهه هههههههههههه لاحول ولا قوة الا بالله العلي العظيم )

شــر البليــة مايـُضحــــك
بس انشالله الميزانية الجديدة تكفي لاتروح فلوس المكاريد

(( وتفــــــــــــــرج يــاعــــــــــــراق ))

السلام عليكم ورحمة الله وبركاته،
"ودع البزون لحمه"
المشكلة ليست بهم حتماً بل بمن أئتمنهم على قوت الشعب
لابد أن تسند مثل هذه المسؤوليات لمن يقدرها ويحافظ عليها.
وفي المقابل فالخاسر دوماً هو الفرد العراقي
بوركتم أخي الفاضل.

وداعتك ياابو الغيث ما يفيد بيه لا واشرات ولا السد العالي
ولا بطيخ

اتمنى واحدكم يجي لمكافحة الاجرام

في احدى المحافظات ويشوف اللغف للستار

والتعامل كله بالدفاتر طلع فلان وجيب فلان والحبل على الجرار

بالله شلون نخلص

راح ابو خليل وراح ابو اسماعيل

وراح ابو الواشرات

من بعد عمر طويل راح الجد وراح الاب وراح الابن يالله راحوا هذوله


زين بروح ابوك

ابو المليارات شلون يروح :3:


يرادله بخت

شكرا اخي العزيز ابو الغيث الورد
على الاخبار المميزة
عاشت الايادي ياورد
ولاحولة ولا قوة الا بالله
وتحياتي
http://up.foraten.net/uploads/64d7738e18.gif