شجاهه الناس .....؟

شجاهه الناس ؟
وشنو الغيراهه الناس ؟
وي هبة الريح تميل
دمعه بعين فاجد كل دقيقه اسيل
ودرب الي مشيته وياك
حيل طويل ..
وكلام الي حجيته وياك
ماله مثيل
وتمنيتك شمس تفضح ظلام الليل
وتمنيتك تجي وماطولت من جيت
عينك صوب لي وعين
تنوي أرحيل
وشجاهه الناس
دنيه مسودنه والناس وين تريد
وزمن متعود عليه
شكثر بي يعيل
ودرب الهجر ياما
اخذني وياه
ولاتهزه دمعتي العل خدود
تسيل
وشجاهه الناس
ادك بيبان صبري
وماتفتحه الناس
واظن بس بالفواتح يذكرون الياس
وشجاهه الناس
ومنهم اكطعيت الياس
وارد مجنون شايل صوت
وبصدري شكثر وهواس
شكثر سوالف بصدري
وسؤال محير ضنوني
يصيح بروحي كل لحظه
شجاهه الناس
وليش يبيعك الشاريه ؟؟
ويسد بابه التكصده
وجن مايعرف اسمك ؟
وعلى بابك اخط جلمه
اخطهه بدمعة عيوني
واليسأل جواب يريد
شجاهه الناس
وشنو الغيراهه الناس
*****

ماجد الشاعر يبلغكم التحيه
26 نيسان 2009

ما جد الشاعر

طبع بينه والوفة ونتسامح وية الناس
لون همه بقصد بالجلمة جرحونة
ولان مثل الشجر مثمر طبعنه ايصير
نتساقط ثمر لو همه يرمونه
يل طبعك سمة خل عينك اعلة الكاع
لان يعثر ياهو الشابح للسمة اعيونة

اخي العزيز تقبل مني هذه الكلمات كمجارات لما قدمت
تحياتي

العراقي

والله والنعم منك مصطفى الحبيب
وشكرا للمرور
وممنون جدا للابيات الرائعه
تحياااتي لك
عزيزي

يــــامـاجـــــد
خلهه الناس --- والمــا يعــرف قــدرك خســران
عاشــت ايدك عزيزي
لن اعلق اكثر --- لأنك تعلم جيــدا من هو مــــاجد الشاعر عندي
فالإحساس عندما يصلني من جمال الكلمــات
اعجـــز عـن الــرد --- لأني لن أجاريـــك بالـــرد
ستبقى --- وسيبقى مدادك يرسم وبالكلمات يلون روعة المـــاجد
دمت لنا بألف خير

شجاها الناسْ؟

شجاها الناسْ؟

أي شي ما إلي ويا الناسْ

شجاها الناس؟

الله عليك ابوي الغالي

فعلاا قصيده واقعيه

كلماتك غايه في الروعه ..

فشكري لك ولأناملك الذهبية

مع فائق مودتي وأعتزازي...

شكرا ام فيصل
وتحياتي لك سيدتي الغاليه
ودائما لمرورك طعمه الخاص
ممنون منك
وجزاك الله خيرا

بابا احلام
تحياتي لك وشكرا لمرورك الكريم
الذي يضيف للموضوع
نكهة خاصه
تحياتي ودعواتي

http://up.foraten.net/uploads/d6f9f3660b.gif

سهر الغاليه شكرا لمرورك الجميل
وتقبلي تحياااتي

وليش يبيعك الشاريه ؟؟
ويسد بابه التكصده
وجن مايعرف اسمك ؟
وعلى بابك اخط جلمه
اخطهه بدمعة عيوني
واليسأل جواب يريد
شجاهه الناس
وشنو الغيراهه الناس

ماشاء الله بارك الله فيك اخي ماجد
على هل الابداع

تقبل مروري

الاميره الغاليه
تحيه لك مني معطره باريج الورد
وشكرا للمرور الرائع
تحياااااااااااتي