لان مزيون انته بنفسك انغريت
وتشوف الناس كلها زغيره من دونك
احذرك بالعكس رايح يصير وياك
لان صاعد جبل ماظن يشوفونك
خل طبعك صريح واسامح وية الناس
ليغرك جمال وخضرة اعيونك
من طبع التواضع يرفع الانسان
اذا خل بالتواضع هم يرفعونك
صدكني جمالك ابد مو مقياس
ولاكشخت اهدوم وزاد ماعونك
ولان جوهر يغاتي مو مظهر الانسان
على طيبة جوهرك هم يقيمونك
انصحك من جديد ابدي حياتك هاي
واترك صحبة الجانوا يغشونك
ولان مو حلو قطعا هالغرور اوياك
خل طبعك سمح وي الي يحبونك
خل طبعك سمح وي الي يحبونك
تحياتي
مصطفى العراقي
في
3\4\2009
