قصيده اشمرتاحين \ للشاعر محمد الحمداني

اشمرتاحين


ودموع اليتامى اتلوج وسط العين


مصايب هالفن ما نعرف امنين


اشمرتاحين


صار ألبچي عدنه ويانه عل الوجنات


وما ينزل دمعهه الناس من أسنين


اشمرتاحين


صار الخوف عدنه گلأده ويه الروح


وأذان المنايا اياذن بكل زين


نصرخ ياعلي وينك سمعت الصوت


ذبحوه الوطن ونباگ راس حسين


اشمرتاحين


وحنة الجنة أيه وهل الوطن قران


شو صرنه صنم وسوته أشياطين


اشمرتاحين


جبناهه عكس نتعاند ويه الروح


وبحور المصايب غرگت صوبين


اشمرتاحين


أمي الضاع اخوهه والابو تعبان


وحسرات الاخوه ألبگلب سجين


اشمرتاحين ....شضمين ....أشگد تبچين اشتصورين


دمعاتچ ييمه أترجع اللي راح


حسبالچ يعود الزين من تبچين


اشمرتاحين


صب ناعور دمعي من الحزن والاه


سگيت ألگأع كلهه وغورت بطين


اشمرتاحين


حت صوت الجوامع ضاع بيه الصوت


ظل صوت القنابل تنفجر كل حين


إني بلا ذنب عاشگه هاي ألگأع


ومحاربني وگتي وابد مو صافين


مديت أيدي اطلب عون يهل العون


عونگ گالو احنه وبترو ليدين


اشمرتاحين .. شدو رين....وشتريدين


ما شفنه فرح مامر علينه بيوم


وياروحي الحزينة أنوب شدو رين


علگم صار ميك يابلدنه شلون


ونهرين اللي عندك بعد عطشانين


ما عدنه صبر هلصبر ملنه وراح


ينراد أبوگتنه مو صبر صبرين


وزعوا ألنه حصة من القهر والضيم


والموت ألنه وزعوا بدل عن الطحين


اشمرتاحين


بياض العين اسود من سواد الليل


تعب بينه السهر ويگول شمتانين

الله الله الله
قصيده رائعه جدا وجميله
ننتظر جديدك حبي
تقبل مروري

صب ناعور دمعي من الحزن والاه
سگيت ألگأع كلهه وغورت بطين

الله الله على هالكلمات الرائعة
قصيدة حزينة وتهد الحيل
بس الأمل بالجاي انشالله ومايصير الصبر صبرين
ابو حيدر عاشت ايدك عيوني
على هذا الإختيار والف شكر لك وللشاعر محمد الحمداني
خالص تحياتي لك عزيزي

شكرا اخي العزيز سلام الدراجي الورد
على الكلمات الرائعة و المميزة
عاشت الايادي
دائما مميز في اختيار المواضيع الجميلة والمميزة
وتحياتي
http://up.foraten.net/uploads/64d7738e18.gif

الاخ قيصر هولند شكرا لمرورك الكريم بارك الله بك

الف شكر اخويه العزيز// سلام الدراجي للقصيدة الرائعة
عاشت الايادي يارائع

تقبل تحياتي وشكري الجزيل

الاخت ام فيصل اعتز بمرورك الرائع وشكرا لكي

الله الله
ابدعت بنقلك ياعم
واجدت
تحياتي لك...

انت الورد عيني اسد العراق لردك الرائع لا تبتعد تحياتي

الاخ محمد السوداني اسعدني مرورك اخي العزيز والف شكر

ابنتي وفاء اسعدني مرورك الرائع تحيه لك من القلب