جرح الندم(للشاعر هادي الكلابي)
قصيده جديده للشاعر هادي الكلابي..ارجو ان تعجبكم
جرح الندم
على خد الشمس شفت الدمع محتار
رسم حيرة الدنيا وحيرة جروحه
ولكيت جروح عمري
على المناير صارن مرايات
وياهو الي يصد ينعكسن بروحه
رسم عمري الجرح من كربله لليوم
وباقي الي يضل ماواحد يلوحه
مساحات الوفه ماتنحسب بحساب
ولاتنقاس بالهم كاع الملوحه
الوفه عباس وحده
وماشفت يوفون
جود ومشرعه وعيون
حد الجود
وبيبان الوفه لعباس
مفتوحه
رسمت الهم حلم خضر
عيون وليل
وانا احلامي طفل ماشاف مرجوحه
بيش احلم بعد
عيني انطفت
طاحت
كطره فوك الكاع
ماخليت
سجه ابين الولايات
دورت المنايا وابد
ماذليت
وسعت الجرح
وانه الك ممنون
ولااكدر اشوف
منين اجيب عيون
بس اصبر بعد
حاير بروحي
وعيب ماونيت
غيمة حزن مرت
خيمت عالروح
وانته لهسه
مامليت
موكافي بعد ياجرح
بسك عاد
ماخليت
غافل جنت ..ماادري شكول
وهسه اظن حسيت
باب الفرج يمي
وليش اظل مهموم
من كد الشجوب البالوجه والخوف
عايش بالحزن
مليت
ماخافن بعد
راح اسحك على الخوف
ادك باب الحسين
واعبر همومي
واذب ثوب...الذنوب
واصحه من نومي
مااشكي بعد
باب الفرج موجود
حب حسين
عشكي
وستري وهدومي
لان تعلمت يحسين حبك نور
وغيرك كل درب عاثور
شما فريت دنيه
وغربتي نيران
روحي بنص ضريحك
كل مسيه ادور
رد: جرح الندم(للشاعر هادي الكلابي)
الله الله قصيدة رائعة جداً بوركت أخ جواد الكلابي :66 (46):
وطيب الله أنفاس الشاعر الكلابي
ننتظر منك المزيد
تقبل تحياتي وتقديري
رد: جرح الندم(للشاعر هادي الكلابي)
رد: جرح الندم(للشاعر هادي الكلابي)
عشكي
وستري وهدومي
لان تعلمت يحسين حبك نور
وغيرك كل درب عاثور
شما فريت دنيه
وغربتي نيران
روحي بنص ضريحك
كل مسيه ادور
الله الله عليك يارائع
اختيار مميز - وكلمات تنبض وجعا والم
عطر الله انفاسك عزيزي
قصيدة حملت اجمل المعاني والمفردات
والف شكر للشاعر هادي الكلابي
دمت لنا نبعا --- لاينضب
خالص تحياتي
رد: جرح الندم(للشاعر هادي الكلابي)
الاخ العزيز
محمد السوداني
شكرا لك مرورك الكريم
مع الود
م
رد: جرح الندم(للشاعر هادي الكلابي)
الاخت ام فيصل
بارك الله فيك
على مرورك الكريم
ودمت بود
رد: جرح الندم(للشاعر هادي الكلابي)
الاخ حسين فضل
شكرا لمرورك
مع التقدير
رد: جرح الندم(للشاعر هادي الكلابي)
شما فريت دنيه
وغربتي نيران
روحي بنص ضريحك
كل مسيه ادور
ماشاء الله
عاشت الايادي
قصيده في قمة الروعه
بارك الله بيكم
دمتم في امان الله
رد: جرح الندم(للشاعر هادي الكلابي)
شكرا لك عراقيه
على مرورك
لقد تنورت صفحتي بوجودك
لك ارق التحايا
مع الود