قصيده \ العتره الطاهره

(ألعتره الطاهرة عليهم السلام)

من طه أمر أيزوج علي الزهراء


لان ربنه القلم الخطة بچفوفه


ولان شرف علي أبمولده بالكعبة


ومن اطهر ارض أنسجت احروفه


ولان كرم علي ما سجد للأصنام


وطهر أهل بيته وآيته أتشوفه


وهمه 12 كوكب نورو هالكون


وأولهم علي التشهد اله اسيوفه


وثانيهم حسن سيد شباب الكون


أشبه بالرسول الوجه وچتوفه


وثالثهم حسين النور منه أيشع


وأنصاره استشهدوا 70 بالكوفه


وزين العابدين سجاد أهل مكة


ومن كثر العطاء اشتهر معروفه


والباقر محمد بحر كل العلوم


وعلومه ألمحمد تجري بجروفه


وجعفرنه الموسس مذهب أهل البيت


وكل ربعه أصبحت بالعلم مالوفه


وكاظمنه العلم امنوره بيه بغداد


وبجاهه أصبحت بغداد سالوفه


وعلي هذا الرضا المدفون أبمشهد


وبيران اندفن وبدمعه ماسوفه


ودراجي أنعرف ألمرجعه الهادي


وسامره ألحمت روضتنه ماتعوفه


ومحمد جواد أنعرف بيه الجود


والجود الشكر لمحمد أچفوفه


وحسنه العسكري بالوصف ماينقاس


وبمدرسته الفقه تتعلم اضيوفه


ومهدي المنتظر فرج يالله عليه


بالسرداب مخفي بحكمه مو خوفه


گبل من اختفى چإن السبب معروف


من قتل وخطف وسيوف معكوفه


اظهر خلي أمتك ترفعك عل ألراس


وكلمن بيده دفه وبيد معزوفة


وكلنه أنبايعك وما نهاب الموت


ونجاهد سوه برجال مرصوفة


ونحرر شعبنه من الظلم والجور


وكل جرح اللي بينه عيونك اتروفه


هذوله عترتي صلوا عليهم دوم


والما ينتخيهم روحه مخطوفة

سلام الدراجي

صح لسانك يالغالي سلام الدراجي

قصيده في قمة الروعه

دمت بهذا التألق

وننتظر المزيد من كتاباتك الرائعه

تقبل تحياتي

وكلنه أنبايعك وما نهاب الموت
ونجاهد سوه برجال مرصوفة
ونحرر شعبنه من الظلم والجور
وكل جرح اللي بينه عيونك اتروفه
هذوله عترتي صلوا عليهم دوم
والما ينتخيهم روحه مخطوفة

اللهم صل على محمد وآل محمد وعجل فرجهم وفرجنا بهم
صح لسانك عزيزي الروماني
وعطر الله انفاسك على هذه الكلمات المباركة
انالنا الله واياك شفاعة اهل بيت النبوة
ولاحرمنا هذا المداد الرائع
تحيــــاتي لبو حيدر

ابو حيدر
لك مني تحيه بعطر الياسمين والبخور00
د . سلام
قصيدتك الكف وانا الصقر00

والله يجعلها في ميزان اعمالك 00
لك امتناني ومودتي واشواقي000
صكر

وهمه 12 كوكب نورو هالكون
وأولهم علي التشهد اله اسيوفه
وثانيهم حسن سيد شباب الكون
أشبه بالرسول الوجه وچتوفه
وثالثهم حسين النور منه أيشع
وأنصاره استشهدوا 70 بالكوفه
صح لسانك وعطر الله انفاسك على القصيده الرائعه
جعلها الله في ميزان اعمالك
مودتي

وصح السانك اخويه الزير سالم تسلم لمرورك الكريم بارك الله بك اخي العزيز

بارك الله بيك على ها القصيده الرائعه
ننتظر مزيدك

ام فيصل سعيد بمرورك وكلماتك الجميله شكرا لك اختي الغاليه

ابو علي الصكر تحيه لك من الاعماق مشتاقين الى ردودك الحلوه تسلم والف شكر

هاشم الورد مرورك وسام اعلقه على صدري الف شكر يالعزيز

هنودي مرورك اسعدني وافرحني شكرا لك اخي العزيز

قصيدة رائعة عاشت الايادي اخويه العزيز سلام الدراجي
ننتظر منك المزيد يلغالي تحياتي الك واشواقي يالروماني
لك مني كل الود والورد

ردك هو الاروع اخي العزيز محمد السوداني مشتاقين هواي تحياتي لك مع حبي وتقديري

http://www.jannatalhusain.info/2009/...e7dfcf358e.jpg

ر ايد انخه حسين الك ياموطني وادري لوما حسين مايبره الجرح
خافن ايعود وتسد عنه الفرات وبنصل غدرك لو رد ينذبح
وخايف اعه الشاطي تهوه جفوف اخوه وبالاسر اخته تكوم وتنجبح
وخايف اعياله توليها السياط بالحديد الجدم والجف يتشح
خلها سكته ياوطن واترك حسين استر افعالك امس لا تنفضح
وكافي ترديدك علامات الظهور وتدعي رؤية المهدي تتضح
وكافي تتنخه اهل بيت الرسول من تطيح بشده لوصابك جرح
كوم من نفسك وشك زيج الرجيف واشكف بصدرك طعنات الرمح
انت بس انهض واصرخ ياحسين الك باب الفرج غصبن تنفتح

الاخت شهد شكرا للمرور الكريم تحيه لكي

توفيق لك الشكر لردك على قصيدتي بقصيده جميله تحياتي لك