لتظن نار گلبي اعليك .. تبرد
وبعد كل الحچيته وياك .. تبي رد
اشوكت ماجيك بالسچين .. تبرد
دهاك اذبحني هو اشظال بيه
قلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
اذا غيرك يمس اطراف ادية
يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه
حبيبي شلون ماحبك ولابيك
وامك ماتحن مثلي ولا بيك
يكون لوعاتك بية ولابيك
وحول كل الم منك اليه
حبيبي انه احبك فدوه بسمر@
لان حبك بنص الكلب بسمر@
صحيح انته حلو ياترف بسمر@
تمرمر ريجي من اتمر عليه
*******
