دارميات ع الترميش ...

السلام عليكم


رمشلي بس ترميش تلگاني يمك
ومصدگه هيه الروح تگعد تشمك

ياولفي بس ترميش وانه الاخابر
واتلف رصيدي وياك يبن الأكابر

لا مسج لا مس كول لا حتى رنة
ليش انتة هيچ وياي يا بعد اهلنة

لا مسج لا مس كول سويلي چارة
والكلب من فركاچ مستعرة نارة


حبينه والنقال خرب علينه
كضوهة بس ترميش محد يجينه

رمش ولو ترميش واذكرنه فد يوم
يامن حرمت العين من لذة النوم

رمش ولو ترميش واتصل بينه
بالجذب اذكر يوم واسئل علينه

رمش ولو ترميش وانه اتصل بيك
تاذيني دومك ليش هم انه ماذيك

نص استكان الجاي سعر الرساله
كاطع ويانه شبيك وين العداله

اتمنى عالنقال بيه بث مباشر
وانقلك بتركيز كل المشاعر


كون انكلب سنتات وادخل رصيدك
وبحجة الارقام تلمسني ايدك



لملمته تلملم بيدي

تحياتي

دارميات جميلة عزيزي رضوان
تحية لك وبانتظار جديدك
دمت بخير

رضوان شكرا لك وللدارميات الرائعه
التي تواكب التطور الحاصل اليوم
احسنت تحياااتي

حبينه والنقال خرب علينه
كضوهة بس ترميش محد يجينه

وبين الهمس الرقيق
ونعومه وعطر الكلمات
كان للحرف مع اللوحه كلمه
وكان للجمال منك مساحات

تحيه طيبه اخي الغالي

تقبل مروري

نص استكان الجاي سعر الرساله
كاطع ويانه شبيك وين العداله

اتمنى عالنقال بيه بث مباشر
وانقلك بتركيز كل المشاعر


الله الله رائع انت اخويه العزيز رضوان عاشت الايادي
باقة رائعة وجميلة جدا من الدارمي بوركت
تقبل تحياتي وتقديري

دارميات روعة
تسلم الايادي اخي الكريم
:66 (46):
تحياتي لك

دارميات روعه عاشت الايادي
ننتظر المزيد
مودتي

يا أهلاً وسهلاً بيكم جميعاً منورين والله
مشكور اخوية محمد السوداني والله ولا عرفتك يا عراقي انا شنو هالتغيير منور بوجودك
مشكورين

النور نورك اخويه العزيز رضوان النجفي ممنون منك حبي
واما يالنسبة للتغير حبيت اخلي عنواني وانته بعد براحتك العنوان والاسم يمك
تحياتي الك يلغالي

مشكور اخي محمد السوداني والعفو النور نورك بالمنتدى

مع خالص تحياتي

عاشتـ ايدكـ على هالدارمياتــ الحلوووه

ننتظر منك المزيد

خالصـ وديـ

ايدك العايشة
مشكوره جزيل الشكر

تحياتي

دارميات جميلة عزيزي

رمشلي خويه أرجوك يابعد رحي
يلي أبسبب فركاك هاجت أجروحي
ـــــــــــــــــــــــــــــــ
تمطر معزه اوشوك صدكوني الكم
ما نرسل ابهليل لو مانحبكم
------
كيفك رضوان الفيداوي