هله يل كل عشرتي وياك00ماسات
واسكر لوشفاي اشفاك00 ماسات
الك خدين بيض اتكول00 ماسات
من احبك ينعكس وجهي عليه
بس ميانه
الحلو ردنا يجينه بس ميانه
و ابد ما ردنه كوه بس ميانه
اريدن طابو كلبك بأسمي انه
عقار اسحب عليه و ابني اليه
و انته راوي
اراوي جروح كلبي و انته راوي
و رواية شوك روحي و انته راوي
عثك الناس حشف و انته راوي
بريمك طاح من خدك بديه
مرهم انه
اهوج خلاف عينك مرهم انه
و اهد بعناد جرحك مرهم انه
حلو كلش و اشرك و مر هم انه
علج بس تجي مروره طعم بيه
كهرب انه
نزل بالريح يجفل كهرب انه
شما تفركني افوحن كهرب انه
خزني و من خزرتك كهربانه
انتلنه و شفنه بي عين المنيه
و انتلنه
يون كلبك و ندري ونته النه
تكهربنه بودادك و انتلنه
رخي ويه الناس شصك ونته النه
اجت سنارته بلا طعم بيه
و اختلفنه
جم حسره التهدنه و أخ تلفنه
و جم اخ الدمرنه و أخ تلفنه
لون احنه انجسمنه و اختلفنه
نطمع الشامت الذاته رديه
وحق الي محه العزه محه الات..
شفافك عسل من ربك محلات..
الك عالشارع بكلبي محلات..
محل حب ومحنه وشاعريه
احس گلبي عليك اليوم لاعب
كلام الخشن بطلة وياي لاعيب
اسمحولي وگعت انه بعشگ لاعب
تركني وفضل الطوبة علية
راحت روحي تتمشه ورمشاك
جفنك مني جرجرها ورمشاك
رمش اني احب رقمك ورمشاك
هفه بسهـام ماغـيري لهمجان
وغداجن من لحم روحي لهمجان
أسهام الما لكت بية لهمجان
أنبتت فوك السهام الاولية
ولك اغلط ولك مره علي فوت
وهم كلبك تلوع هم علي فت
صدك مرسوم و مفصل علي فيت
شكثر قاسوك بس ترهم علية
جفوني هواي عدوانًا وظلماًً
ولياليي النور مامرهن وظلماً
الـبي هـده رحـل عـني وظلماً
المتانيني أمن أطيح يهد علية
1=الظلم
2=الظلام
3=ظل من
عليج الروح راحت من يردها
و وكيحه همومي صارت من يردها
خطيه الروح ملت من يردها
لان بس الصبر يبسل عليه
روحي هموم شخصك ما شكتلة
وعليك دموعي تهمل ماشي كتلة
نزل سهمك بكلبي ماشي كتلة
كتلت الروح وأنتة تعيش بية
الدمع مرات مو بس حزن يعني
ثكيل وبس عليك الجدم يعني
على احوالة سألتة وكال يعني
ومعنى اليعني مالك غرض بيه
همت بالبيد انة وضعت بيداي
الوب ومانمت بالليل بيداي
طحت ابير جفك جان بيدي
كلتلك جرني ليش تعوف ادية
عرفت الليل بين من نيمتة
ومن وكتي انة افرح منة يمتة
مرة الجفن نام ومن نيمتة
زعل واغتاض واتسودن علية
تلوب الروح مشتاكــه لهلها
ودموع الشـوك بغيابك لهلها
شحال الدار لو راحوا اهلها
جاوبني يهل مبعد عليه
م / ن
تحياتي
