بس حسين خــــــدامه سلاطين = بيــــــــــهم تفتخر كل الموالين

بس حسين خــــــدامه سلاطين = بيــــــــــهم تفتخر كل الموالين



والي تخـــــــــدم الآل = فوﮒالهـــــــام تنشال



بس حسين خــــــدامه سلاطين



****



أفتــــــــح التاريخ واقره وشوف خدام الإمامه



اتشوف اساميهم زهيه مسجله بحبر الكرامه



اتجندو لاجل الحُسين وصاروا رماحه وسهامه



لاجل القضيه العادله = حملو لـــــواء المرجله



وقــــــــادو رعيل القافله = ولهم تلوﮒ الزعامه



وبالإخلاص أدو هالرياده = وبالمظلوم نالوهه السعاده



قـــــدوه لكل الاجيال = فوﮒالهـــــــام تنشال



بس حسين خــــــدامه سلاطين



****



هاك اخذ حمزه الزغير ناعية شبل الصميــــــده



هالله هالله اشلون واسى اشلون اخلص للعقيده



للمدايح والمراثي اتفنن وطوعهـــــــــه بيـــــــــــــــده



حمــــــــــــزه الزغير لو نعى =صم الصخور يصدعه



يقره ويهيـــــــــــج مدمعه = بصوته تتلاله القصيده



اظن حسين وافا بالمنيه = والكرار والزهره الزﭼيه



(ﮔعــــــديـــــــــــاته امثـــــــــــــال = فوﮒالهـــــــام تنشال



بس حسين خــــــدامه سلاطين



****



أسمع اسمع يل الموالي لصوت عبد الزهره وانته



تســـــــــتمع مقتل إمــــــــامك اتخيل بونه وعبرته



اشلون ما يكدر يكمـــــــل والالم هيج حسرته



من يوصـــــــــل لحد الشمر = لمن لفـــه لحز النحر



ما ﮔمل وﮔام اعتذر = وبالحزن تسعر جمرته



ولعاشور هالمقتل أذاعه = للأجيال عبد الزهره ذاعه



ومجـــــــــــــــاد الشرف نـــــــــال = فوﮒالهـــــــام تنشال



بس حسين خــــــدامه سلاطين



****



اظن ما ننسه القصيده الزرعت الجين الوراثي



كلنه نسمع من قراهه بصوته ياسين الرميـــــثي



غدت نبراس التحدي . اتصدرت كل المراثي



عبد الرسول الي نظم = وبصوته ياسين اقتحم



حتى الطفل بيهه لطم = علرﮔب اسمعهه جاثي



بهالمضمون صاحته الحناجر = (صاحت بيك آمنه الضماير )



ولياسيــــــــــــــــن افضال = فوﮒالهـــــــام تنشال



بس حسين خــــــدامه سلاطين



****



ارد اعرج عل القوافي وكاظم المنظور اذكره



وعبود غفله الشمري بالقلم باهرنه شـــعره



والجمري ويه الوائلي ونصّار ماخذنه سحره



ولزمن لو مر الزمن = الرادود ما انسه (وطن)



ينعى ويرج صوته الصحن = والمواكب بيه ادره



هالرواد خدام الاماجد = روح وبالنجف تلكاهه شاهد



هالخـــــــــــــــــــدام سربال = فوﮒالهـــــــام تنشال



بس حسين خــــــدامه سلاطين



****



راية الخدمه الشريفه اشما تمر بيهه الظوالم



عاليه تبقى وزهيه وخــــــادم يسلمهه خادم



والي يتفانه بخدمته مول لاجل كسب المغانم



ينول الفخر والغانمه = ويرضي الزچيه فاطمه



وللجنه هي تسلمه = وياعظم هاي المكارم



وبس حسين خدامه سلاطين = بيهم تفتخر كل الموالين



والي تخـــــــــــــــــدم الآل = فوﮒالهـــــــام تنشال



بس حسين خــــــدامه سلاطين



****
منقووول


ونسألكم الدعاء

بس حسين اليرفع خدامه ويخلي الخادم سلطان

السلام عليك سيدي ومولاي ولعن الله قاتليك ومن تابعهم
احسنت عزيزتي وجزاك الله خيرا

تحياتي لك ولإختيارك المميز

ولزمن لو مر الزمن = الرادود ما انسه (وطن)



ينعى ويرج صوته الصحن = والمواكب بيه ادره



هالرواد خدام الاماجد = روح وبالنجف تلكاهه شاهد



هالخـــــــــــــــــــدام سربال = فوﮒالهـــــــام تنشال
السلام عليك يا مولاي وسيدي يااباعبدالله وانالنا شفاعتك يوم الورود
بارك الله بكي اختي احلام
وجزاكي الله خير الجزاء

اسعدني مروركم الكريم والمميز
دمتم بحفظ الرحمن
تحيتي لكم جميعاااا

تسلم لمرورك الكريم
لك مني اجمل تحية

شكرا احلام لوحه رائعه
واختيارمميز كما انتي
دائما
تحياتي

تسلم لمرورك الكريم
لك مني اجمل تحية

راية الخدمه الشريفه اشما تمر بيهه الظوالم .......... عاليه تبقى وزهيه وخــــــادم يسلمهه خادم بوركت اختاه وسلمت اناملك قصيدة اكثر من رائعة سلام الله عليك ياابى عبد الله سيدي ومولاي تقبلي تحياتي وشكري الجزيل ...... مودتي

مرورك يشرفني جدا، وبوركتم على الدخولوالتعليق على موضوعي المتواضع جدا

يعطيك الف عافية وجزاكم الله خير