موذاك الاعرفك انت من سنين...........؟

مو ذاك الاعرفك انت من سنين
اطباعك علية هواي مختلفة
مدغيرة الملامح بيك والاشواك
وجياتك احس مابيها اي لهفة
جنت تجرح كبل يومين عندي يطيب
هسة الجرح منك ابد مايشفة
وجنت توكف كبل والعين تحجي العين
هسة شبيها عينك شو صفت صلفة
كبل حجيك ذهب والناس تمدح بيك
ومن تحجي عسل تتناثر الشفة
هسة اختلف حجيك كلة ذم واعتاب
وبكلمن يودك كمت تتشفة
على جتافي حملتك سرت بيك دروب
وبنار العشك جمدوب اتحفة
مو تدري انة احبك وانت بية الروح
اسهرلك ليالي وعيني ماتغفة
شسولف من عذابك بية صار سنين
ونار البية منك ابد ما تطفة
شمسح من ذنوبك وانت شو كل يوم
تجرح بالكلب وادكلي ما اشفة
طك صبري وخلص والدمع شح العين
وهم البلكلب ماضن بعد يخفة
من عندك نهوني صحبتي واخوان
كالولي صحبتك بالهوى سعفة
وكالولي اتركة ماية خابط طين
لتضن بمحبتك يركد ويصفة
كدامك بحر مكشوف بس من فوك
لو تنذر عمر ماتكدر اتعرفة
كدامك بحر مكشوف بس من فوك
والجوة البحر ماتكدر اتعرفة
عاندت ومشيت وكلت رحلة شوك
حطيت البلم وامواجك تحرفة
حطيت البلم وامواجك تحرفة
تحياتي...

منقـ ـووول

كلمات رائعة جداا
شكرا لهذا النقل الجميل
تحياتي لكي

احسنت على هذا الإختيار الرائع عزيزتي
قصيدة جدا رائعة بمفردات ومعاني اجمل
شعور مرهف بالوجع تعددت الوانه
شكرا لك محتارة

شعر رائع جدا شكرا اختي محتاره تقبلي مروري وتحياتي

شكرا على مروركم العطــر

نووورتم متصفحي

مودتيـــ

قصيده جميله بمفرداتها
وكلماتها الرائعه
لكي تحياتي

الله محتاره قصيده رائعه وجميله واختيار مميز تحياتي لكي بارك الله بك لى المجهود الطيب

مروركم هو الارووووع والاجمل

شكرا لكم

مودتيـ

شكرا على المرور العطــر

نورتيــ ع ـزيزتي